ŞIRNEX - Îdarekar û temsîlkarê dezgehê bi girseyî, serdayîşê şînê endama HPGyî Kiymet Ozmene kerdî. 

 

Cayê Zapî yê serê başûrê Kurdistanî de netîceyê pêrodayîşê ke 11ê teşrîna verêne de qewimîya, endama HPGyî Kiymet Ozmen (Cûdî Çekdar) dinyaya xo bedelnaye. Semedê Kiymete taxa Cûdî ya qezaya Cizîrê Şirnexî de şîn ame ronayîş. Bi serkêşîya Komeleya Kultur, Yewîye, Paştdayîş û Hetkarîya bi Keyeyê ke Merdimê xo Dergûşê Şaristanî de Vînî Kerdê reyde (MEBYA-DER) bi girseyî serdayîşê şînî ame kerdiş. Îdarekarê HEDEPyî, DBP, aktivîstê TJAyî, Dadîyê Aştîye û xeylêk welatijan bi girseyî serdayîşê şînî kerdî û sersaxî keyeyî rê waştî. 

 

Hemşaredara Cizîre Berîvan Kutlu ya ke qeyûm tayînê vera ci ame kerdiş, şîn de qisey kerd û sersaxî keyeyî rê waşt. Berîvane dîyar kerd ke têkoşînê kurdan, bi şorişê cinîyan yeno nuştiş û vat ke hemverê şerî yewin çareserî aştî ya. 

 

Dima ra duayî ameyî wendiş û girse vîla bî.