AMED - Deklerasyonê “Nika ra ver bi ameyoxî de vengdayîşê haştîye" ke hetê 129 sazgehan ra ameyo îmzakerdiş de, ame dîyarkerdiş ke paradîgmaya Abdullah Ocalanî do biba çareserîya problemê dinya û wina ame vatiş: “O wext ameyo. Semedê Ocalan şarî reyde rasterast pêvînayîş bikero.”

 

129 dezgehan Sûrê Amedî de bi sernameyê "Nika ra ver bi ameyoxî vengdayîşê haştîye" deklarasyon eşkera kerd. Metnê deklarasyonî yo kurdkî hetê Hemserekê Pêroyî yê DBPyî Keskîn Bayindirî ra û yo tirkî zî hetê Aktîvîsta TJA Rûkene Zeryam Işik ra ame wendene. 

 

Metnê deklarasyonî wina yo:

 

“Ewro problemê ke taybet de bi şerî û pêroyî de bi qirkerdişê komel û xoza yenê ciwîyayene, çimeyê înan de zîhnîyet û polîtîkayê ke înkarê bawerî, kultur û nasnameyê şaran ser ameyî ronayene, est ê. Nê sûcî Rojawan, Fîlîstîn, Karabag û Ukrayna de yenê kerdene. Kurdî rixmê heme destkewteyanê xo tehlukeyê girdî rî bi rî yê. Heme cografyayê ke sîsemê kapîtalîstî çim verdayo ci, şarî tîya raştê mergî yenê, erdê ci ra yenê vetene û erjanê xo yê binê erdî û serê erdî ra yenê raqilnayene.

 

Neteweyê Yewbîyayeyî wezîfeyê xo nêanê ca

 

Neteweyê Yewbîyayeyî (NY) wezîfeyê xo nêanê ca. 2019 de hema ke nê şerî û qirkerdişî nêciwîyaybî Birêz Abdullah Ocalan vatbi ‘Dewrê verê ma de do zere û teberê welatî de problemî dahîna giran bê’ û semedê çareserkerdişê prboleman destê xo derg kerdbi la destê ey hewa de mendbi. Dewletan û hêzanê hegemonan xeylêk şerî vetî û dejê giranî şaran rê dayî antene. 

 

Çareserî girêdayeyê problemê kurdî yo

 

Xora her kes zano ke Tirkîya de heta ke meseleya kurdan nêro çareserkerdene, çew nêeşkeno qala demokrasîyî bikero. Kurdî wazenê bi ziwan, nasname û cografyaya xo biresê statuyêkê komelkîyî. Semedê nê û çareserkerdişê heme problemanê bînan paradîgamaya netewa demokratîke hewce kena. Hinî her hetê dinya de şarî, nuştoxî, roşnvîrî, hunermendî û sîyasetmedarî zî vera sîstemê kapîtalîstî vînenî ke hêvîyêke est a. 

 

‘Tecrîdê serê Abdullah Ocalanî hemverê merdimayîye yo’

 

Rixmê tecrîdê giranî paradîgmaya Ocalanî resaye şaranê dinya. Semedê xelisnayîşê şaran rolê Ocalanî zaf gird o. Coka her hetê dinya de şarî semedê azadîya ey têkoşîn kenê û vanê azadîya Ocalanî azadîya înan a. Têkoşînê cinîyan ê kurdan zî cinîyan ê dinya ser tesîr kerd. Her hetê dinya ra vera tecrîdê Îmraliyî vengê nêrazîbîyayîşî beno berz û yeno waştene ke wa şertê Mandalayî bêrê şuxulnayene. Seke yeno zanayene 25 serrî yo heqê huqûqî yê Ocalanî yenê binpaykerdene. Di serranê peyênan de Ocalanî ra qet xeberêke nêameye girewtene. Semedê çareserkerdişê probleman ganî Abdullah Ocalan bieşko azad têbigêro. Roje a roja ke Abdullah Ocalan şaran reyde bêro têhet." 

 

129 dazgehê ke îmza kerdê

 

Partîya Herêmê Demokratîk, Têgêrayîşê Cinîyê Azad (TJA), Kongreya Komelê Demokratîk (KCD), Partîya Seyeywbînan û Demokrasîye ya Şaran (HEDEP), Komeleya Huqûqnasê Seba Azadîye (OHD),  Federasyonê Paştîdayîşê bi Keyeyê Tepişte û Hukmweran reyde yê Medî (MED TUHAD-FED), Şûbeyê Komeleya Hetkarîya bi Keyeyê Tepişte û Hukmweran reyde (TUHAY-DER) yê Amedî, Şûbeyê TUHAY-DERî yê Edene, Şûbeyê TUHAY-DERî Mêrsînî, Şûbeyê TUHAY-DERî Îzmîrî, Şûbeyê TUHAY-DERî yê Stenbolî, Şûbeyê TUHAY-DERî yê Wanî,  Şûbeyê TUHAY-DERî Êlihî, Şûbeyê TUHAY-DERî yê Mêrdînî, Şûbeyê TUHAY-DERî yê Şirnexî, MEBYA-DERî yê Amedî, Temsîlkarîya MEBYA-DERî ya Bismilî, Farqîn û Pasûrî, MEBYA-DERê Cizîrî, MEBYA-DERê Êlihî, MEBYA-DERê Mêrdînî 21, MEBYA-DERê Wanî, Komeleya Elewîyan a Demokratîke (DAD), Têgêrayîşê Ekolojîye yê Mezopotamyaye, Alim-Der ê Amedî, Komeleya Cigêrayîşê Zanistê Dînî yê Wanî, Komeleya Cigêrayîşê Dîn û Bawerîyan a Merdînî (MDÎAD), Komeleya Hetkarî û Paştîdayîşî ya Alimê Dînî ya Îzmîrî, Kongreya Demokratîke ya Îslamî, Kovara Destare, Komeleya Cigêrayîşê Ziwan û Kulturê Mezopotamyaye, Komeleya Cigêrayîşê Ziwan û Kulturê Arî, Komeleya Cigêrayîşê Ziwan û Kulturê ya Arsîsaye, Komeleya Cigêrayîşê Ziwan û Kulturê Botane, Komeleya Cigêrayîşê Ziwan û Kulturê Avestaye, Komeleya Cigêrayîşê Ziwan û Kulturê ya Feradî, Komeleya Cigêrayîşê Ziwan û Kulturê ya Bircê Belekî, Komeleya Cigêrayîşê Ziwan û Kulturê Ankaye, Komeleya Edebîyatkarê Kurd, Enstîtuya Kurdî ya Stenbolî, Enstîtuya Kurdî ya Amedî, Enstîtuya Kurdî ya Stockholmî, Enstîtûya Kurdî ya Almanyayî, Enstîtuya Kurdî ya Brukselî, Enstîtuya Kurdî ya Swîsre, Platformê Îxrackerdoxan ê Amedî, Meclîsê Cinîyan ê KESKî yê Amedî, Şûbeyê BESî yê Amedî, Temsîlkarîya Egîtîm Senî ya Bismilî, Şûbeyê BTSî yê Amedî, Nûnertiya Egîtîm Senê ya Çermûgî,  Temsîlkarîya Egîtîm Senî ya Çinarî, Şûbeyê DÎVESî yê Amedî, Sendîkaya Kedkarê Weşîye ya Amedî, Temsîlkarîya Egîtîm Senî ya Şarî, Şûbeyê Hûmara 1ine ya Egîtîm Senî yê Amedî, Şûbeyê Hûmara 2ien yê Egîtîm Senî yê Amedî, Şûbeyê Hûmara 3ine yê Egîtîm Senî yê Amedî, Meclîsê Cinîyan ê Egîtîm Senî, Akademîya Kede ya Amedî, Şûbeyê Hûmara 1ien yê Genel Îşî yê Amedî, Şûbeyê Hûmara 2ien yê Genel Îşî yê Amedî, Şûbeyê Haber Senî yê Amedî, Temsîlkarîya Egîtîm Senî ya Hênê, Platformê Şûbeyan ê KESKî yê Amedî, Temsîlkarîya Egîtîm Senî ya Karazî, Temsîlkarîya Egîtîm Senî ya Pasûrî, Temsîlkarîya Egîtîm Senî ya Licê, Temsîlkarîya SESî ya Bismilî, Temsîlkarîya SESî ya Erxenî, Meclîsê Cinîyan ê SESî, Temsîlkarîya Egîtîm Senî ya Farqînî, Şûbeyê TARIM ORKAM SENî yê Amedî, Şûbeyê TUMBEL SENî yê Amedî, Şûbeyê YAPI YOL SENî yê Amedî, Şûbeyê BESî yê Êlihî, Şûbeyê BTSyî yê Êlihî, Temsîlkarîya DÎVESî ya Êlihî, Şûbeyê Egîtîm Senî yê Êlihî, Temsîlkarîya Egîtîm Senî ya Qûbînî, Temsîlkarîya Egîtîm Senî ya Hezoye, Temsîlkarîya ESMî ya Êlihî, Temsîlkarîya Genel Îşî ya Êlihî, Temsîlkarîya HABER SENî ya Êlihî, Şûbeyê PETROL ÎŞî yê Êlihî, Şûbeyê SESî yê Êlihî, Şûbeyê TARIM ORKAM SENî yê Êlihî, Şûbeyê YAPIYOL SENî yê Êlihî, Şûbeyê TUMBEL SENî yê Êlihî, Şûbeyê Egîtîm Senî yê Mêrdînî, Temsîlkarîya Egîtîm Senî ya Qoserî, Temsîlkarîya Egîtîm Senî ya Nisêbînî, Şûbeyê BESî yê Mêrdînî, Şûbeyê TARIM ORKAM SENî yê Mêrdînî, ÇEVDERê Mêrdînî, Şûbeyê Egîtîm Senî yê Şirnexî, Şûbeyê Genel Îşî yê Şirnexî, Platformê Şûbeyan ê KESKî yê Colemêrgî, Şûbeyê Genel Îşî yê Colemêrgî, Platformê Şûbeyan ê KESKî yê Mûşî, Platformê Şûbeyan ê KESKî yê Rihaye, ÎKKyê TMMOBî yê Amedî, Temsîlkarîya Odeya Muhendîsê Makîneyan, Şûbeyê Egîtîm Senî yê Sêrtî, Şûbeyê SESî yê Sêrtî, Şûbeyê BTSyî yê Sêrtî, Şûbeyê BESî yê Sêrtî, Şûbeyê TUMBEL SENî yê Sêrtî, Platformê Ked û Demokrasîye yê Wanî, Komeleya Çimdarîya Koçberîye, Komeleya Cigêrayîşkerdişê Koçberîye ya Serhedî, Komeleya Taqîpkerdişê Koçberîye û Cigêrayîşî ya Mezopotamyaye, Komeleya Cigêrayîş û Taqîpkerdişî ya Koçberî û Penaberan a Çukurovaye, Komeleya Cinîyan a Rosaye, Komeleya Cinîyan a Starî, Komeleya Cinîyan a Mîmozaye, Komeleya Wextê Cinîyan o KASED, MA Music, ŞanoWan, Jîn Art, Tîyatroyê Bajêr, Komeleya Akademîya Sînemaye ya Rojhelatê Mîyanenî, Komeleya Kultur û Hunerî ya Serhedî, Komeleya Kultur û Hunerî ya Aryene, Komeleya Kultur û Hunerî ya Dicleye, Komeleya Kultur û Hunerî ya Nefele, Merkezê Kulturê Mezopotamyaye (Stenbol), Merkezê Kulturê Mezopotamyaye (Qoser), Merkezê Kulturê Bahare, Înîsîyatîfê Dadîyanê Aştîye, Şûbeyê Komeleya Huqûqnasê Seba Azadîye ya Mêrdînî.