MERKEZÊ XEBERAN - Vizêr paytextê Îranî Tehran de kênaya kurde ya ciwane Armîta Girawenda ke hetê polîsanê ‘exlaqî’ ra seba ke sereyê xo nêgirewto raştê hêrişê hêzanê Îranî ameybî, badê 28 rojan dinyaya xo bedilna. Keyeyê aye waşt ke cenazeya kênaya xo bero bajarê Kirmanşaî yê rojhelatê Kurdistanî la rejîmê Îranî destur nêda. 

 

1ê teşrîna verêne de paytextê Îranî Tehran de hêzanê dewleta Îranî seba ke sereyê xo goreyê rejîmî nêgirewto hêrişê kênaya kurde Armîta Girawende ya 16 serrî kerdbî. Armîta Girawenda ke şaristanê Kirmanşahî yê Rojhelatê Kurdistanî ra ya hêrişî ra dima kewte koma. 

 

Vizêr Armîta Girawenda ke aye roje ra nata koma de bî saetanê serê sibayî de dimayê 28 rojan Nêweşxaneyê Fecirî yê Tehranî de dinyaya bedilna. 

 

Goreyê medyaya Îranî, wexto ke keye waşto cenazeya kênaya xo bigêro û bibo Kirmanşan de defin bikero, hêzê rejîmî rayîr nêdayî. 

 

Sewbîna ame vatiş ke selahîyetdarê Îtlaetê Îranî keyeyê Armîtaye tehdît kerd ke tesilî nêbo nêbo ke Kirmanşanî de tazîye û merasîm seba Armîta bêro viraştiş. Hêzê rejîmî keye ra waştî ke tazîye Tehran de bêro ronayîş û cenaze goristanê Beheştê Zera de bêra definkerdiş.