ÎZMÎR - Şikdar Denîz Ozarslan, Ezgî Zerkîn qetil kerdibiî û serê hedîse ra 15 aşmî debaz bî. Dadîya Ezgîye, Zîynet Zerkîn da zanayîş ke vernîya qetilkerdişê cinîyan nîno girewtiş, şikdarî nînê tepiştiş û vat; îqtîdar dişminê cinî, tut û xoza yo.

 

Tirkîya de qetilkerdişê cinîyan roj bi roje zêde beno û şikdarî zî bi cezayê sey xelate yenê cezakerdiş. Pêwa nê hîn şikdarî qet nînê tepiştiş zî. 29ê Temmuza 2022ine de Îzmîr de cinîyan bi nameyê Ezgî Zerkîn hetê şikdar Denîz Ozarslan ra ê reyde sewîyeya veradayîşî de bî ameye qetilkerdiş. Şikdar Denîz Ozarslan 15 aşmî yo nîno tepiştiş. Dadîya Ezgîye Zîynet Zerkîn reaksîyon vera rewşe mojna û vat, şikdar yeno pawitiş.

 

‘Kam hetkarî dano nê kiştoxî?’

 

Zîynete qiseykerdişê xo de dîyar kerd wexto ke emnîyet biwazo cade vîneno û vat: “Emnîyet tutê ke semedê pîzeyê xo mird bikerê nan diznayê efû nêkena. Kênaya mi ameye qetilkerdiş. 15 aşmî derbaz bî. La kiştoxî hema nêameyo vînayîş. 36 dosyayê ci yê sûcî estê. No merdim kam o ke nîno vînayîş. Kam paştdayîş dano nê kiştoxî? Roja ewro de kesê ke têkoşînê cuye danê, bi zorî debara xo kenê. Gelo kam şîyaye dano nê merdiman? Aseno ke pere zî yeno dayîş. Ez vaja çi?”

 

15 aşmî yo nîno vînayîş

 

Zîynete reaksîton nîşanê rewşe mojna û wina vat: “15 aşmî yo şikdar nîno tepiştiş. Semedê nê dewa dest pênêkerda. Serê dosya de qerarê nimitişî esto. Avûkatê ma zî nêeşkeno tewrê dosya bibo. Ame vatiş ke no qerar semedê delîlî nêrê sîyakerdişî yê. Gelo no hukm de hende asan o? Do kam delîlê ma sîya bikero? Kam kamî ra terseno? Kênaya min a ciwan a 31 serrî dinyaya xo bedelnaye. Tirkîya bîya welatê qetilkerdişê cinîyan. Hema hema her roje cinî yenê qetilkerdiş. Mi semedê Ezgîye zaf têkoşîn da. Vernîya Ezgî bêra qetilkerdiş ma xeylê rey şî qereqole. Ma qerarê dûrvistişî girewt. Ma şî qereqole ma tehdîd kerd, nengî çînayî. Wexto ke nê kerdêne, qerarê ey dûrvistişî estbî.”

 

No merg semedê binpaykerdişan pê ame

 

Zîynete dewam de wina vat: “Pêwa ma adresê şikdarî da polîsan vatî nêeşkeno tu çîyêk bikero. No merg netîceyê xelekê binpaykerdişan de pê ame. Qanûnî cinîyan nêpawenê û şikdaran zî nêtepişnenê. Qanûn û cezaya bi tesîr çin ê. Bi amancê paştdayîşî ez tewrê dewanê qetilkerdişê cinîyan bena. Kênaya mi zî her tim hetê bindestan bî. La dadgehan de çîyêk bala mi ant. Pawitişê pêro şikdaran sey yewbînan ê.”

 

‘Dişminê cinî, tut û xozaye yê’

 

Ziynete wina qedêna: “Ezgîye dewaya fekveradayîşî Denîz Ozarslanî rê akerd. Dewa dimagê ke Ezgî ameye qetilkerdiş bi netîce bî. 25ê teşrîna verêne de dewayêke bîne ameye kerdiş. Vernîya merdişê kênaya mi ma şikdarî gerre kerdibî. La kênaya mi kuyayî bî. Ma raporê kuyayîşî girewtibi. La 15 aşmî dimayê gerrekerdişî gazî ma kerdî. La êdî Ezgîyêke ke bê pawitiş çinbî. Wa no edalet wêran bibo. Ne cinîyan pawenê, ne zî kiştoxan tepişnenê. No îqtîdar dişminî cinî, tut û xozaye yo.”