MÊRSÎN - Cinîya bi nameyê Ayfer Kayaya ke qezaya Mûtî de ciwîyayêne, vera qerarê dûrîfînayîşî zî hetê Şuayîp Kayayî ra ameye qetilkerdiş ke wirdî merheleya fekverdayîşî de bî. 

 

Hemşîre Ayfer Kayaye qezaya Mûtî ya Mêrsînî de ciwîyayêne û hetê Şuayîp Kayayî ra ameye qetilkerdiş. Ame zanayîş ke her di zî merheleya fekverdayîşî de bî. Goreyê malumatan kiştox nîmeyê şewe saet 02.00î de otoparkê Nêweşxaneyê Dewlete yê Mûtî yê Mêrsînî de Ayfer Kayaye qetil kerdo û derheqê ci de qerarê dûrîfînayîşî estbî. 

 

Kiştox Şuayîp Kayayî bado ke Ayfere qetil kerd pê eynî çeke întîxar kerd. Dimayê îxbarê hemwelatijanê dorme, komê weşîye û polîsî ameyî cayê qewimîyayîşî. Cenazeyê Ayfer Kaya û Şuayîp Kayayî wedarîyayî morgê Nêweşxaneyê Dewlete yê Mûtî. 

 

Ame zanayîş ke 10 û 4 serrî di tutê Ayfere û Şuayîp Kayayî estê ke tedawîya rîşa merdimwere vînenê.