WAN - 2 rojnamegerê ke reya ewilî qetilkerdişê Jîna Emînî neql kerdî, ameyî cezakerdiş.

 

Dadgeha Berzî ya Îranî qerarê xo yê derheqê 2 rojnamegerê bi nameyê Elahe Mihemedî û Nîlufer Hemedî de ke reya ewil qetilkerdişê Jîna Amînî ya 16ê Êlule 2022ine de hetê polîsnê ehlaqî yê Îranî ra ameye qetilkerdiş, eşkera kerdî. Goreyê qerarî, Elahe semedê sûcê "hemkarîya bi Amerîkayî reyde ke sey dewletêke dişmin ameya namekerdiş" 6 serrî cezaya zîndanî, semedê sûcdarîya hemverê asayîşê neteweyî 5 serrî û semedê sûcê "îdarekerdişî" zî bi 1 serrî cezaya zîndanî ameye mehkûmkerdiş. 

 

Heto bîn ra Nîlufare zî bi îdiayê "hemkarîya bi DYAyî reyde" ke seke dewleta dişmin ameya namekerdiş û semedo ke hemkarî ci reyde kerda, sûcê hemverê asayîşê neteweyî" 5 serrî cezaya zîndandî ci rê ameya birnayîş. 1 serrî cezaya zîndanî zî bi  sucdarîyê “propagandayê hemverê Komara Îslamî” ci rê ameya birnayîş.

 

Do nêeşkê xebatê rojnamegerîye bikerê

 

Heto bîn ra di cinî zî bi sebebê goreyê maddeyê p, h, heta 2 serran endamtîya partî, kom, rêxistine û komeleyan û rojnamegertîye zî bêpar ameyî verdayîş.