Oznur Deger

 

MÊRDÎN - Temsîlkara Koma Xebata Cinîyan a TMMOByî Dîlruba Duygu Soylemez bale ant serê tesîrê şerê serê cinîyan ê Rojhelatê Mîyanên dewam keno û vat: “Şer, şerê rant û hêzî yo. Serê cinî û tutan polîtîka yena kerdiş. Yê nê birînan kewênenê cinî yê.”

 

Hêrişê Tirkîya yê 4ê teşrîna verêne de hemverê Bakur û Rojhilatê Sûrîyeyî dayê destpêkerdiş, dewam keno. 7ê teşrîna verêne de zî Tugaya Îzzedîn el- Kassam je baskê rêxistina paramîlîter Hamasî yo hemverê Îsaîlî operasyonê ‘Tufanê Aksa’ da destpêkerdiş û dimayê nê şerê mabêne Israîl û Fîlîstînî de dest pêkerd. Pêwa nê xoverdayîşê Îran û xoverdayîşê cinîyan ê Afganîstanî hemverê Talîbanî. Şerê Rojhelatê Mîyanênî ameyê kerdiş bêşik tewr zêde tesîr serê cinî de keno û bilanço roj bi roje pîl beno.

 

Temsîlkara Koma Xebata Cinîyan a Yewîya Odayanê Mîmar û Muhendisanê Tirkan (TMMOB) Dîlruba Duygu Soylemez, dîyar kerd ke şerê Rojhelatê Mîyanên tewr zêde tesîr serê cinîyan de keno.

 

‘Şer, şerê rant û hêzî yê’

 

Dîlrubaye da zanayîş ke şerê Rojhelatê Mîyanên dest pêkerdo, tenê netîceyê sîstemê kapîtalî de nê, eynî wextî de netîceyê hewldayîşê bêvengkerdişê cinî de dest pêkerdo û vat: “Şer şerê rant û hêzî yo. Serê cinî û tutan de polîtîkayêke yena kerdiş. Yê ke nê birînan bikewê û travmayan baş bikerê reyna cinî yê.”

 

‘Şer do Rojhelatê Mîyanên de vila bibo’

 

Dîlrubaye dîyar kerd ke camêrdî binê nameyê pawitişî de bi hawayêkê çimsûrî cinîyan qetil kenê û wina vat: “Nê camêrdî cinîyan kamî ra pawenê. Şer, Rojhelatê Mîyanên dest pêkerdo la do pêro dinya vila bibo. Şerê Rojawanî nîno qebûlkerdiş. Ma vengê şarê ucayî bi tu hawayî nêeşnawenê. La cayo ke pere û hêz bibo, ajitasyon tay zêde yo. Ma Hamas û Israîlî ewnîyenê reyna zêdeyêr cinî vejîyenê planê vernî. Bi îdiayê cinî bê hêz ê şîdet zêde kenê. No şer çi heyf heta ke çimê camêrdan mird nêbi do dewam bikero. La ganî ma xo vîr ra nêkerê. Nîmeyê komelî cinî yê. Ma têkoşîn nêkerê do no şer dewam bikero.”

 

‘Cinî û camêrd têduşt nîyê’

 

Dîlrubaye dîyar kerd ke cinsê komeleyan çin o û wina vat: “Hêrs û waştişê camêrdan nêqedêno. Komeleyan de cinî û camêrdî yewbînan rê cîya yê. Têduşt ê. Key bêtêduştîya mabêne cinî û camêrdan de werte ra wurzo, key kesî nêrê pawitiş do averşîyayîş bibo. La çi heyf dînî û îstemê kapîtal bêtêduştî giran keno. Hêvîya ma aya ke keye, cins û nîjad bibo hacet.”

 

‘Komel heqîqetî qisey nêkero beno mahkumê cahilî ye’

 

Dîlrubaye peynîya qiseykerdişê xo de wina vat: “Şer, karaset û rewşê îstîsnayî de her tim cinî bi tesîr benê. Cinî tewr zêde hetê wayîrvejîyayîşî de têgêrenê. Komelo ke heqîqetî qisey nêkero, perwerdeyî nêgîro, do mahkumê cahîlîye bibo. Ganî cinî xurt bibê, heqê xo bipawê, fam bikerê û parve bikerê, paştdayîş bidê yewbînan. Tenê semedê cinîyan nê, semedê pêro komê bindestî rêxistin ferz o. Ganî bêmabên têkoşîn bêro dayîş.”