MERKEZÊ XEBERAN - Dezgehê cinîyan ê kantonê Efrîn û Şehbaye zî paştî dayî Hemleya ‘Rayîrber Abdullah Ocalanî rê azadî, problemê kurdî rê çareserîya siyasî”. 

 

Kongra Starî serê nameyê dezgehê cinîyan ê kantonê Efrîn û Şehbayî de semedê paştîdayîşê Hemleyê Însiyatîfê Şarî yê Bakur û Rojhelatê Sûrîye ke bi sloganê “Rayîrber Abdullah Ocalanî rê azadî, problemê kurdî rê çareserîya siyasî” eşkerayî da. 

 

Yeno zanayîş ke Însiyatîfê Şarî yê Bakur û Rojhelatê Sûrîye çarçeweya Hemleya “Rayîrber Abdullah Ocalanî rê azadî, problemê kurdî rê çareserîya siyasî” 10ê Teşrîna Verêne de 74 merkezanê dinya de eşkera kerd ke înan hemle dayo dest pêkerdiş. 

 

Eşkerayîye Parkê Rayîrber Apo yê dewa Til Sosinî ya qezaya Ehdasî yê herêma Şehbaye de hetê endama Meclîsê Efrîn û Şehbaye Rêgez Lolo û endama Kongra Starî Emel Îsmaîle ra bi ziwanê erebî û kurdî ameye wendiş û bi dewan cinîyê herême tewrê eşkerayî bîyî. 

 

Çalakîkerî fotografê Rayberê PKKyî Abdullah Ocalanî û pankartê nuştekî yê "Wext wextê Azadîye yo" berz kerdî. 

 

Eşkerayîye de wina ame vatiş: “Ma paştîdayîşê xo yê seba hemleyê adetî ya Bakur û Rojhelatê Sûrîye yê seba azadîya Rayber Abdullah Ocalanî vanê. Azadîya Rayber Abdullah Ocalanî do xo reyde çareserîya aştîyane seba problemê kurdî û şarê Rojhelatê Mîyanenî bîyara.”