MERKEZÊ XEBERAN - CPJ neql kerd ke şerê Îsraîl û Hamasî de heta nika 17 rojnamegerî ameyî kiştiş.

 

Komîteya Pawitişê Rojnamegeran (CPJ) dîyar kerd ke şerê Îsraîl û Hamasî de heta nika 17 rojnamegerî ameyê kiştiş.

 

CPJyî malpera xo ya înternetî de wina vat: “Hamasî 7ê teşrîna verêne de hêrişêk ke sey ci nêameyo vînayîş, hemverê Îsraîlî de da destpêkerdiş û Îsraîlî zî hemverê Gazzeyî de hêrişê hewayî û bejayî pê ard û hemverê koma Fîlîstînî ya mîlîtanî de şer îlan kerd. Ê wextî ra nata şerê Îsraîl-Gazzeyî derbeyêk giran da rojnamegeran ro. Şer ê wextî ra nata tesîrê xo serê Lubnanî de zî kerd.”

 

Eşkerayîye de ame vatiş ke 7ê teşrîna verêne ra her di hetî ra zêdeyê 4 hezar kesî merdê û tewr tay 17 rojnamegerî ameyê kiştiş.

 

Koordînatorê Bernameyê Rojhelatê Mîyanên û Afrîkayê Vakurî yê CPJ Sherîf Mansoûr vat: “CPJî dîyar kerd ke rojnamegerî sivîl ê ke wextê krîzî de karê muhîm kenê û ganî nêrê hedefgirewtiş.”