AGIRÎ - Qezaya Panosî de Qorîcîyo verên Cemîl Turk kênaya xo Dîlan Turke qetil kerd. 

 

Dewa Axtepî ya qezaya Panosî ya Agirîye de ame dîyarkerdiş ke qorîcîyo verên Cemîl Turkî pê çeke gule rijnayo kênaya xo Dîlan Turk (20) û lajê xo E.T.yî. Tîmêweşîye û cendirmeyê ke bi xeberdayîşê kesê dormeyî ameyî cayê qewimîyayîşî, dîyar kerdî ke Dîlane dinyaya xo bedilnaya. Birayê Dîlane, E.T.yî zî birîndar bîyo û Nêweşxaneyê Dewlete yê Panosî de yeno dermankerdiş. Ame zanayîş ke Serdozgerîya Komare ya Panosî derheqê qewimîyayîşî de tehqîqat dayo destpêkerdiş. La nîno zanayîş ke Cemîl Turk ameyo tepiştiş yan nê.