MERKEZÊ XEBERAN - RJAKî bi kampanyaya mektuban ê semedê Rayberê PKKyî Abdullah Ocalanî paştdayîşê azadîye kerdî û bi seyan cinîyan mektube nuştî. 

 

Tevgerê Cinîyan ê Azadîya Kurdistanî (RJAK), bi sloganê "Heqê Hêvîye yê Rayber Ocalanî" 11ê Nîsana 2023ine de kampanyayêke dayî destpêkerdiş û şirawitişî mektuban ê Neteweyê Yewbîyaye dayî destpêkerdiş. RJAKî bi taybetî venga cinîyanê Başûrê Kurdistanî kerdî ke tewrê kampanyaye bibê û hemverê tecrîdî bêveng memanê. 

 

Serê vengdayîşê RJAKî cinîyê Başûrê Kurdistanî û Iraqî Neteweyê Yewbîyaye rê mektubî şirawitî. Cinîyan hêvî û hîsê xo yê semedê Abdullah Ocalanî ardî ziwan.