MERKEZÊ XEBERAN - Cinîyê Mexribî semedê protestokerdişê hêrişê Îsraîlî yê hemverê sivîlê ke Şerîdê Xezayî de yenê kiştiş, rayîr ra şîyî. Rayîr ra şîyayîşê protestoyî de cinîyan vatî ke Îsraîl bi goşnêdayîşê peymanê mîyanneteweyî sûcê şerî kerdo û veng da ke peynîya kiştişê sîvîlan bêro.

 

Pêrodayîşê Îsraîl û Filistînî kewt roja xo ya 10ine. Xeylêk welatan de hedefgirewtişê sivîl û raşteyê cuye yê Şerîdê Xazeyî, ameyî protestokerdiş. Yew cayê ke protestoyî ameyî kerdiş, Mexrib o.

 

Rabatê Maxribî de bi hezaran kesî kom bîyî û hêrişê Îsraîlî yê hemverê sivîlan şermezar kerdî. Cinîyê ke beşdarê rayîr ra şîyayîşî bîyî dîyar kerdî ke Îsraîl bi sûcê şerî peymanê mîyanneteweyî binpay kerdo û semedê  vindarnayîşê hêrişê hemverê sivîlan, wedaritişê ablûqayê serê Xaze û birnayîşê awe, gaz û ceyranî ser o venga lezgînî kerdî.