Melek Avci-Dîlan Babat

 

ANQARA - Endama Parlamentoya Ewropaye û Parlamnetera Partiya Çep a Îzlandayî Jodîs Skuladottîr, dîyar kerd ke ê kîşte têkoşînê şarê kurdî yê û wina vat: “Ma şima reyde yê. Semedê hetkarî çi destê ma ra bêro ma do bikerê û ma kîşte têkoşîn û heqê şima de yê. Ganî ma hîna zêdeyêr derheqê aştîye de qisey bikerê.”

 

Partîya Çep a Keske 4ine Kongreya xo ya Pîle ewro Salona Spor û Pêşangehê Ataturkî de bi sloganê ‘Semedê azadîye’ organîze kena. Nêzdîyê 11 hezar kesî do tewr bibê û kongreye de do vurnayîşê nameyê partî bêro kerdiş, hemserekê neweyî bêrê weçînayîş. Ewropa, Rojhelatê Mîyanên û Başurê Kurdistanî de do xeylêk kesî tewrê kongr bibê.

 

Endama Parlamentoya Ewropa û Parlamnetera Partiya Çep a Îzlandayî Jodîs Skuladottîr ke dawetê kongre bîye, derheqê têkoşînê şarê kurdî û kongre de qisey kerd.

 

‘Xebata ma ya semedê ameyoxî muhîm a’

 

Jodîse da zanayîş ke pêwa pêro zextê îqtîdarî ewro kongre bi girseyî pê yena û vat: “Ewro pêameyê kongreye xeylêk muhîm o û tam demê ci yo. Dinya lezkî vuryena û ganî ma cayê xo de nêvinderê û têhet de bê. Derheqê ameyoxî de xebatê ke rast yenê kerdiş, xeylêk muhîm ê.”

 

‘Demokrasî bi no hawa nêbeno’

 

Jodîse derheqê hêrişê hemverê HDPyî û tepiştişê sîyasetmedaranê kurdan de zî qisey kerd û wina vat: “Demokrasî bi no hawa nêbeno. Zextê sîyasî û tepiştişî xeylêk xirab ê. Vernîya weçînayîşê pêroyî yê tîya ez Strazburg de bîye. Serê sibayêke ma rawuştî ke ma dî ke xeylêk meslegdarê ma tepişyayê. No raştî zî merdimî xemgîn keno. Ganî na semedê demokrasî bixebitîyê. Demokrasî bi no hawayî nêbeno. Paştdayîş xeylêk muhîm o. Ma semedê tepiştişan bi raştî endîşeyîn ê.”

 

‘Ganî tecrîd bêro peynîkerdiş’ 

 

Jodîse bale ant serê tecrîdê serê Rayberê PKKyî Abdullah Ocalanî û nê çîyan ard ziwan ser: “Pêameyîşê qanûnê mîyanneteweyî xeylê muhîm o. Ganî ma kişta kesê ke binê tecrîdî de yê de ca bigîrê. No muhîm o. Seba ke her welat goreyê qanûnê mîyanneteweyî û pêkerdişan têbigêro ganî ma hewl bidê. Sîyasetmedar û temsîlkarê şarî yenê tepiştiş. Ganî ma seba înan hîsger bibê.” 

 

 ‘Ma do kişta têkoşînê şima de bê’ 

 

Jodîse da zanayîş ke do têkoşînê şarê kurdî û pawitişê heqan dewam bikerê û qiseykerdişê xo wina peynî kerd: “Ez nika Anqara de ya. Ez bi temsîlkarîya di cayan ameya. Ez temsîlkara Partîya Çep a Îzlandaye ya û eynî wextî de serê nameyê koma Parlamentoya Ewropaye tîya de ya. Netîce de mesajê her di hetan ê seba şarî têduşt o. Ma pey şima de yê. Seba hetkarîye çi destê ma ra bêro ma do bikerê û ma kişta têkoşîn û heqanê şima de yê.”