ANQARA - Heyetê Têkilîyê Teberî yê Partîya Çep a Keske ke bi selahîyetdarê CPTyî yê Tirkîya reyde derheqê tecrîdo mutleq yê serê Rayberê PKKyî Abdullah Ocalanî de pêvînayîş pê ard, cewabê, “Çi heyfo ke ma nêeşkenê Tirkîya ra nizdîbîyayîşêk pozîtîf bigîrê.” Dayî.

 

Rayberê PKKyî Abdullah Ocalan serra 1999î de netîceyê komployêk mîyanneteweyî de teslîmê Tirkîya ame kerdiş û Girava Îmraliyî de binê tecrîdêk giran de yo. 25ê Adara 2021î ra nata Abdullah Ocalan û Veysî Aktaş, Omer Hayrî Konar û Hamîlî Yildirimî ke Îmraliyî de yenê tepiştiş ra tu xeberêk çin a. Seba pêvînayîşê bi Abdullah Ocalanî reyde ke tewr peynî 7ê Tebaxa 2019î de bi avûkatanê xo reyde pêvînayîş pê ardbî, hem raşteyê mîyanneteweyî û hem zî Tirkîya de bi hezaran muracatî ameyî kerdiş. Semedo ke cewab nêdîyeno muracatan, pêvînayîş bi ‘cezayê dîsîplînî’ yeno astengkerdiş. Komîteya Vernîgirewtişê Muameleyo Xirab û Îşkenceyî ya Ewropa (CPT) da zanayîş ke vera heme pers, çalakî û israran ê êlula 2022yî de şîyî Girava Îmraliyî û eşkera nêkerdî ke bi Abdullah Ocalanî reyde pêvînayîş pê ardî yan nê. 

 

Raporê derheqê muracatî kombîyayîşê heyetê pêroyî yê 110ine ya ke mabenê tarîxê 6-10ê Adare de Strasboûrgî de pê ame de, hetê komîteyî ra ame qebulkerdiş. CPT raporê xo yê 32ine yê Pêroyî mabenê tarîxê 1ê Çele û 31ê Kanûna 2022yî de weşêna. CPT raporê de dîyar kerd ke şîyî zîyaretê Zîndanê Îmraliyî. CPT derheqê rewşa Rayberê PKKyî Abdullah Ocalan û Omer Hayrî Konar, Veysî Aktaş û Hamîlî Yildirimî de agahî nêgirewt. Rapor de ame vatiş ke CPT serra 2022yî de 16 muracat ‘bi temamî 140 roje’ welatê endamê Konseyê Ewropaye de pê ardî. 7 muracatê perîyodîk û 9 muracatê "ad hoc (muracatê taybet ê ke bername de nîyê)" pê ameyî.

 

Her çiqas vatişê înan ê şîyayîşê Îmralîyî muhîm bî zî la nêdayîşê eşkerayîya înan ê derheqê nê raporê serdayîşê îstîsna de, nêvat ke bi Abdullah Ocalanî reyde pêvînayîş kerdo, hem mîyanê şarê kurdî û hem zî pawitoxê heqê merdiman ê mîyanneteweyî de reaksîyon mojna. CPT ke destpêkê aşma adare de rapor qebûl kerd û şirawit Tirkîya, derheqê eşkerakerdişê rapor û parekerdişê agahîyan de bale ant serê selahîyetdaranê tirkan.

 

Vizêr, wexto ke çalakîyê komployê 9ê teşrîna verêne Konseyê Ewropayî û 74 welatan dewam kenê, parlamenterê verî yê Partîya Demokratîke yê Şaran (HDP) Feleknas Uca û Hişyar Ozsoy, Hemsereka Kongreya Komela Demokratîke û Partiya Çep a Keske, Endamê Konseyê Ewropayî Berdan Ozturk, HDPyê Ewropa heyetê ke mîyan de Temsîşkarê Konseyê Ewropayî Fayik Yagîzay zî estbî, bi CPTyî reyde pêvînayîş kerd. Pêvînayîşan de ame vînayîş ke selahîyetdarê Tirkîya yê CPTyî taqîb kenê, rewşêke pêvînayîşê verî ra nêvejîyayê werte. Ame dîyarkerdiş ke CPTyî reyna kerdo ke ganî Tirkîya seba parekerdişê raporî tesdîq bikero û vat: “Seba wedaritişê tecrîdî ma bi selahîyetdaranê bînî yê Konseyê Ewropa reyde pêvînayîş kenê. Ma seba nê şuxilênê û mîyanê diyalogî de yê. "Çi heyf ma nêeşkenê derheqê parekerdişê raporî û tecrîdî de nêzdîbîyayîşêk pozîtîfî yê Tirkîya bivînê."