Mîdye Miqted

 

HELEB - Cinîyê Helebî yê ke vera hêrişanê dewleta tirkan yê serê Rojawan-Vakur û Rojhelatê Sûrîye reaksîyon mojnayî û wina vatî: “Dewleta tirkan bi hêrişan wazena kurdan qir bikera û ca û wareyanê înan ra koçber bikera. Ma zî timî serê herra xo de xoverdayîşê xo dewam kenê û heta ke ma dagirkerîye çinî bikerê.” 

 

Dimayê hêrişê 1ê Teşrîna Verêne yê hemverê Mudirîya Pêroyî ya Polîsan, Wezîrê Karanê Teberî yê Tirke Hakan Fîdan Bakur û Rojhelatê Sûrîye hedef girewt. Eşkerayîya Hakan Fîdanî reyde têdima di hêrişê Vakur û Rojhelatê Sûrîye ame kerdiş. Xoverdayîş û çalakîyê şarê kurdî yê vera hêrişan zî dewam kenê. Hemsereka Meclîsê Partîya Sûrîyeya Ameyoxe Xalîde Ebdo û Endama Keyeyê Cinîyan a Taxa Şêxmeqsûdî, Mewlîde Sîdoye reaksîyon nîşanê hêrişan dayî û vatî: "Ma eşkenê vera nê hêrişan de bibî cewab û ma do her tim herra xo reyde girêdaye bimanî.”

 

'Ma do vera hêrişan de xover bidê, ma herra xo ra fek vera nêdanê’ 

 

 

Hemsereka Meclîsê Partîya Sûrîyeya Ameyoxe Xalîde Ebdoye da zanayîş ke aye do her tim xoverdayîşê xo yê vera hêrişan dewam bikera û wina dewam kerd: “Nê demê peyênan de dewleta tirkan hêrişanê xo yê serê herêma ma newe kerda. Bi hawayêkê hovane sivîlan kena hedefê xo. Netîce de wazena ke bi tarumarkerdişêk gird zemîn xo rê viraza. La ma hemverê nê suc û kerdişan de sey şarê kurdî fek herra xo ra vera nêdanê. Ma do her tim israrê xoverdayîşî bikerê. Ma do vera hêrişan de xover bidê û fek herra xo ra vera nêdê.” 

 

 'Wazenê şar fek projeyê Xoserîya Demokratîke ra biverdo’ 

 

 Dewamê qiseykerdişê xo de Xalîdeye bale ant serê amacê hêrişanê dewleta tirkan û wina dewam kerd: “Dewleta tirkan a îşxalkere amanc kena ke bi hêrişanê xo reyna projeyê xo yê Osmanî newe bikera. Sewbîna projeyê Xoserîya Demokratîke veng bivejna û raşte ra wedarna. Her roje bêvengîya dewletê mîyanneweteyî yê vera hêrişan dewam kenê. Sewbîna çinîkerdişê şarê kurdî wazena ke şar fek herra xo û Xoserîya Demokratîke ra biverdo.”

 

'Welat û herra ma şerefê me yê' 

 

Peynîya qiseykerdişê xo de Xalîde sozê xurtkerdiş xeta xoverdayîşî da û vat: "Dewleta tirkan amanc kena şarê kurdî çin bikera la wa baş bizana ke şarê kurdî fek herra xo ra vera nêdano. Hêz û xoserîya şarê kurdî esto û wayîrê îrade yê. Ma eşkenê hemverê nê hêrişan bibê cewab û ma do her wext herra xo rê girêdaye bimanê. Seba ke welat û herra ma şerefê ma yê. Pêwa ke dewletê mîyanneteweyî hemverê nê hêrişan de bêveng mendê zî ma fek xoverdayîşê xo ra vera nêdanê.”

 'Ma serê lingan de yê' 

 

Eynî wextî de Endama Keyeyê Cinîyan ê Taxa Şêxmeqsûdî, Mewlîde Sîdo zî reaksîyonê xo hemverê hêrişan da mojnayî û vat: "Dewleta tirkan her bi sebebê cîya hêrişê şarê kurdî keno. Nê peyîn de zî seba şerê Dêrazorî de bin kewt êdî reyke bîn seba vînîkerdişê xo binimino reyke bîn hêrişê herêmanê ma kerd û her rey sivîlan kerd hedefê xo. Labelê ma sey cinîyê Taxa Şêxmeqsûdî de serê payan de yo û pey şarê xo de yê, heta ke ma îşxalkerdişî têk berê."