ANQARA - Avûkate Senem Doganogluye derheqê dosyayê qetlîamê Anqaraye de ercnayîş kerd û da zanayîş ke 8ine serrgêra qetlîamî de zî hema derheqê kerdoxan de delîlî nêameyî arêdayîş û delîlê bîyaye zî odeyê ke ameyî terkkerdiş de yê. 

 

10ê Teşrîna Verêne ya 2015î de Hêzê Ked, Aştî û Demokrasîyî waştî ke Garê Trenî yê Anqara de mîtîng pê bîyarê. DAIŞî vera mîtîngî de hêriş pê ard. Netîceyê hêrişî de 103 kesî dinyaya xo bedilnayî û 500 ra zêde kesî zî birîndar bîyî. Vera heme binpaykerdişan 8ine serrgêra qetlîyamî de kerdoxê fîrarî yenê muhakemekerdiş. 

 

Yew avûkata dewaye ra Senem Doganoglu derheqê babete de ercnayîş kerd.

 

‘Proses keyeyan rê ame girewtiş’ 

 

Seneme dîyar kerd ke 8 serran de hewl ameyo dayîş ke her çî tarîye de bimano û vat: “Aşma Hezîrane de îdîanameyêk ame destê ma. Îdîanameyî de yeno vatiş ke 9 kesî seba qetlîamê 10ê Teşrîna Verêne ameyî û 10 kesî plan kerdî. Prosesê tehqîqatî avûkat û keyeyan rê ame girewtiş. Waştişê ma çiman ver de nêgirewtî. Îdîaname de ame vatiş ke her çîyî ra ewnîyayî û zabitê cigêrayîşî amade kerdî. Ame vatiş ke dosya ra demêk derg ameyo ewnîyayîş.”

 

‘Vanê ke Îlhamî Bali bi serran o binê taqîpkerdişê bi kontrolî de yo’ 

 

Seneme da zanayîş ke heta 3ê tebaxa 2018î dewaye ra tepişte estbî û xeyê delîlî ameyî munaqaşakerdiş û wina dewam kerd: “Hema emnîyet de derheqê kerdoxî de şemayêk çinî bî vatî ‘ma solê sipî ra qetlîam çareser kerd’. No îdîa hema zî dewam keno. Di serran hedefê ma no bî ke selahîyetdarê dewlete yê berpirsîyarî bivejê raşte. Nê kam bî; dadger, dozger, emnîyet, îstîxbarat, cenderme û sînor. Qiseykerdişê sînorî vejîyayî raşte. Dosya de keso ke tewr zêde ame munaqaşakerdiş Îlhamî Bali bî. Hesabêk cîya yê dewlete bi Îlhamî Baliyî reyde estbî. No dosyayan ser de yeno rayîr ra berdiş ke Îlhamî Bali endamê DAIŞî yo. La heme dosyayan de vanê ke nê rayîrber o. Dima ra vejîya raşte ke bi keyeyan reyde qisey kerdo û sînor de bi leşkeran reyde qisey kerdo. Bi desan merdiman gêno û beno. Falîyetê girdan de yo û no heme vejîya raşte.”

 

‘Qetlîyam rê rayîr akerdî’ 

 

Seneme vat ke dewaya Garî açarîyaya dewaya yewine ya DAIŞî û vat: “Kerdoxî her cayê Tirkîya de xo rêxistin kenê. Heme îstîxbaratî zî çîyî dîyî û qetlîam rê rayîr akerdî. Ma her tim persa ke no tena îhmal nîyo, ma vat ke şima çi tarîye de verdenê û şima çi pawenê? Prosesê muhakemerdişî de ma her tim nê çîyan pers kerd. Ma prosesê muhakemekerdişî yo ke her çîyî tarîtîye de verdeno cuya.” 

 

Seneme dewamê qiseykerdişê xo de dîyar kerd ke kerdoxê tewr muhîm yê qetlîamî Yunus Durmaz, Mehmet Kadîr Cebel û Halîl Îbhraîm Dugunî bi operasyonê bi şaîbe, qala qetlîamî kerdî û vat: “Ma zabitê otopsîye yê Yunus Durmaz, Mehmet Kadîr û Halîl Îbrahîm Durgunî nêgirewt. Operasyonê derheqê Halîl Îbrahîm Durgunî ke bombeyê ganî berdbî Anqara, zaf bi şaîbe bî. Yê Yunus Durmazî zî wina bî. Ma muracat kerd ke delîl nêrê sîyakerdiş. Walîtîya Dîlokî qerarê bêtaqîbî da.”

 

'Delîlî odayêka veng de bîyî’

 

Seneme tewr peynî ard ziwan ke prosesê dosya fîrarî de zaf taleban kerdî la taleban nêkerdî dosya û 9ê Teşrîna Verêne ya 2019î de korîdorê buroyî desturê bingeyîn de klasorê ke ameyî vetiş ameyî dîyîş û no klasor aîdê Qetlîamê Garî bîyî. Seneme da zanayîş ke delîlê derheqê qetlîamî odeyêk veng yo ke ameybî terkerdiş de bîyî.