Oznur Deger

 

MÊRDÎN - Qoser de cinîya bi nameyê Semra Durake hetê kiştox Omer Durakî ke derehqê ci de qerarê durîvistişî esto ra ameye qetilkerdiş. Kiştox bado ke Semraye qetil kerd întîxar kerd. Her çend ke bi serran o kiştox şîdeto sîstematîk kerdêne nêame destbendkerdiş û ame zanayîş ke Vejdî Kahramano AKPyî zî 6 serrî verê cû Semraye dewaya fekveradayîşî ra açarnayo. 

 

Qezaya Qoserî ya Mêrdînî de 2yê teşrîna verêne de kiştox Omer Durakî cinîya bi nameyê Semra Duraka ke ci reyde merheleya fekveradayîşî de bî qetil kerd. Dimayê qetilkerdişî kiştox întîxar kerd û nika nêweşxaneyêk Amedî de yeno dermankerdiş. Semraye bi serran bî binê şîdetê sîstematîk ê kiştoxî de bî. Ame zanayîş ke Semraye 10ê Adara 2017î de îşkenceyo giran ê kiştoxî vera gerre kerda û hetê siyasetmedarê AKPyî Vejdî Kahramanî ra dewaye ra tepîya ameya açarnayîş.