ANQARA - Înfazê Jiyan Ateşa Zîndanê Cinîyan ê Sîncanî de tepişte ya, hetê Heyetê Çimderî û Îdareyî reya 5ine ame taloqkerdiş.

 

Bi îddiayê "endamîya rêxistine" 12 serrî û 9 aşmî ceza Jiyan Ateşe rê amebî birnayîş û Zîndanê Cinîyan ê Sîncanî de tepişte ya. Pêwa 27ê teşrîna verêne 2021 de cezaya aye qedîya zî nîna tehlîyekerdiş. Bi hawayêkê kêfî veradayîşê aye ame taloqkerdiş. 

 

6 aşmî bînî zî ame dergkerdiş

 

Hewteyê vîyarye de Heyetê Çimdarî û Îdareyî reyna kom û tehlîyekerdişê Jiyane 6 aşmî derg kerd. Ma bi waya aye Pinar Ateş reyde pêvînayîşê telefonî kerd. Pinare pêvînayîşê telefonî de dîyar kerd ke Jiyane semedo ke nêvata ez poşman a û derbazê qawişa xoser nêbîya coka veradayîşê aye taloq kerdê. 

 

Înfazê Jiyane reya 5ine ame taloqkerdiş.