STENBOL - Sîyasetmedarê HDPyî zî mîyan de seba dosyaya 20 kesê Stenbol û Kirikkalayî de destbend bî qerarê “nimitişî” ame dayîş. Qerar ame dayîş ke avûkatî nêeşkenê 24 saetan bi destbendkerdeyan reyde pêvînayîş bikerê.

 

Ewro serê sibayî Stenbol û Kirikkaleyî de erzîya serê xeylêk keyeyan. Netîceyê sereştîşî de îdarekarê Kongreya Demokratîke ya Şaran (HDK), Partiya Demokratîke ya Şaran (HDP) û rêxistinê komelê sivîlî zî mîyan de tewr tay 20 kesî destbend bî. Sebebê destbendkerdişî nêame zanayîş û destbendkerdeyî nika Mudûrîyê Emniyetî yê Stenbolî de yenê tepiştiş. 

 

Ame zanayîş ke hûmara destbendkerdişan bena ke zêde biba. Sewbîna seba dosyaya cipersayîşî qerarê “nimitişî” ame dayîş. Qerar ame dayîş ke destbendkerdeyî heta 24 saetan nêeşkenê bi avûkatanê xo reyde pêvînayîş bikerê. 

 

Nameyê kesê ke ameyê destbendkerdiş nê yê: “Endamê Meclisê Pêroyî yê HDKyî Umut Ezber, Endamê PMyî HDPyî Cengîz Topbaşli, Hemsereka Pêroyî ya Komeleyê Elewiyan yê Demokratîke (DAD) Kadriye Dogan, Hemserekê Komeleya Cigêrayîşê Kurdî Eyûp Subaşi, Hemsereka HDPyî ya Pendîkî Oya Aytekîn, îdarekarê Rêxistina HDPyî yê Bajarî Çetîn Aslanboga û Mesût Firat, îdarekarê HDPyî yê qezaya Ataşehîrî Halîl Aksu, Hemserekê HDPyî yê Bakirkoyî Gonca Yangoz û Mehmet Akçîçek, Bulent Yildirim, Zaynel Azadî, Fikriye Sarigol, Burcu Demîr, Fethiye Kizmaz, Behiye Demîr, Huseyîn Avras, Baran Sumbul, Oktay Okşal û Behiye Duman.”

 

Wezîrî eşkerayîye da 

 

Wezîrê Karê Zerreyî yê Dewleta Tirke Alî Yerlîkaya derheqê destbendkerdişan de serê hesabê xo yê medyaya dijîtale de eşkerayîye da. Alî, vat ke eştê serê 26 adresan û bi îdiayê “seba hetkarî dayê rêxistine” ameyê destbendkerdiş û wezîrî siyasetmedaran hedef mojna.