AMED - Kombîyayîşê şarî yê Amed de vernîya Kongreya Pîlî ya Partîya Çep a Keske ke do 15ê teşrîna verêne de pê bêro û mesajê, “Eke ma nêeşkê tecrîd peynî bikerê, ma do nêeşkê tedayê serê komel û sîyasetê demokratîke zî peynî bikerê” ame dayîş.

 

Vernîya Kongreya Pîlî ya Partîya Çep a Keske ke do 15ê teşrîna verêne de bêra organîzekerdiş, Amed de partî kombîyayîş organîze kerd. Xeylêk welatijî beşdarê kombîyayîşê Demîr Otelî pê ame bîyî. Vernîya qiseykerdişê akerdişî de seba yadkerdişê kesê ke têkoşînê azadî û demokrasî de dinyaya xo bedelnayê, deqeyêk rêze ameye girewtiş. Hemserekê Partîya Demokratîke ya Şaran (HDP) ê Amedî Zeyyat Ceylan qisey kerd. 

 

'Ma bi xeylêk kesan reyde pêvînayîş kerd'

 

Zeyyatî, dîyar kerd ke seba problemê kurdî bi rayîrê demokratîk bêrê çareserkerdiş, lazimî bi peynîkerdişê tecrîdê Îmrali û akerdişê berê zîndanî esto û qiseykerdişê xo wina peynî kerd: “Dimayê kombîyayîşî ma mîyanê 4 aşman de bi seyan kombîyayîş organîze kerd. Ma konferans organîze kerd, proses ercna, kêmîyê xo vînayî. Ma rexneyê partîyê sîyasî û rêxistinê komelê sivîlî goşdarî kerd. Ma bi deshezaran kesan reyde pêvînayîş kerd.” 

 

Zeyadî, qiseykerdişê xo wina qedên: “Eke ma tecrîdê serê birêz Abdullah Ocalanî mehkûm nêkerê, eke ma na zincîra tecrîdî nêvisnê, eke ma vengê birêz Ocalanî nêresnê komelî, eke berê Îmraliyî nêro şikinayîş do azadî nêro. Eke nê nêbê ma do nêeşkê vernîya nê şerê lêşînî padê. Bi wedaritişê tecrîdê serê birêz Ocalanî eşkeno rayîr verê aştîyêk birûmet bêro akerdiş. Ma o wext bieşkê rayîrê demokrasî û vernîya muzakere û çareserî abikerê.” 

 

Dimayê qiseykerdişî, kombîyayîş çapemenî rê padeye dewam kerd.