MERKEZÊ XEBERAN - Ame dîyarkerdiş ke seba yadkerdişê Endama Merkezê Cigêrayîşê Jineolojîye Nagîhan Akarsele Vakur û Rojhelatê Sûrîye de do "Rojê Jinerjiyî" bêrê organîzekerdiş.

 

Seba yadkerdişê rojnamegere, akademîsyene û endama Merkezê Cigêrayîşê Jineolojîye Nagihan Akarsele ke netîceyê hêrişê 4ê temmuze 2022ine de bajarê Silêmanîye yê başûrê Kurdistanî de ameye qetilkerdiş, “Rojê Jinerjiyî” yenê organîzekerdiş. "Rojê Jinerjiyî" ke hetê Akademîya Jineolojîye ya Vakur û Rojhelatê Sûrîye ra yena organîzekerdiş do mabêne 2-4'ê teşrîna verêne de bêro organîzekerdiş.

 

7 bajaran de çalakî

 

Goreyê xebera Nûjînhayî do 7 bajaran çalakî bêrê organîzekerdiş. 2yê teşrîna verêne de zî do verê awanîya Neteweyê Yewbîyaye (NY) ya Qamişlo eşkerayîyêke çapemenî bêra dayîş û mesaj NY rê bêro dayîş. Do hîkayeya cuya Nagîhane bêra qalkerdiş. Performansê “Ez Nîsan a” do bêro pêşkêşkerdiş. Do şîîrê Dengbêj û “Cinîya Kurde” bêrê pêşkêşkerdiş. Hetê Koma Elefterya ra do kayê tîyatroyê 'Jin, jiyan, azadî' bêro kaykerdiş. Kobanê, Şehba, Tebqa, Minbic, Heleb û Dêrik de zî eynî çalakî do bêrê organîzekerdiş.

 

Kitabxane do bêro akerdiş

 

Serrgêra qetilkerdişê Nagihane de kitabxaneyêk bi nameyê do bajarê Helebî de yeno akerdiş.