Dîlan Babat

 

ANQARA - Parlamentera Partîya Çep a Keske Meral Daniş Beştaşe komploya 9ê teşrîna verêne ya hemverê Rayberê PKKyî Abdullah Ocalanî ercna û vat, Îmrali yew merkezê şerî yê Rojhelatê Mîyanên ê û bi komployê hemverê Abdullah Ocalanî waştê şer bikerê yew metodêk.

 

Hemverê Rayberê PKKyî Abdullah Ocalanî de 9ê teşrîna verêne 1998ine de komployê mîyanneteweyî kewt dewre û serê komployî ra 25 serrî debaz bî. Bi komployê ke Abdullah Ocalan sey ‘operasyonê tewr pîl ê NATOyî’ bi name kerdêne, 15ê Sibata 1999ine de teslîmê Tirkîya ame kerdiş û 25 serrî yo Abdullah Ocalan Îmraliyî de tecrîdê giran de yeno tepiştiş.

 

Parlamentera Partiya Çep a Keske ya Erziromî Meral Daniş Beştaşe derheqê serrgêra komployî de persanê ma cewab da.

 

*Serê komployê 9ê teşrîna verêne 1998ine ra 25 serrî derbaz bî. Amancê nê komployî çibi, netîceyêk senî vet werte. Abdullah Ocalan 98ine de adirbestê yewhet îlan kerd û no komplo pê ame. Şima nê senî ercnenê?

 

Tesîrê komployî hema ewro zî dewam keno. Ma pêro na rewşe ciwîyenê. Ma her roje çîyêk newe yê komployî musenê. Kam tewrê ci bîyo, amanc çi bi? Xeylêk amancê çi estbî. Amancê esas nêçareserîyê problemê kurdî bi. Waştî vernîya çareserîya problemê kurdî padê. Nêwaştî şarê kurdî bibê wayîrê vatişî. Dîzaynkerdişê Rojhelatê Mîyanên de nêwaştî şarê kurdî bibê wayîr.

 

*Ez hîna eşkere bipersî, birêz Ocalan Sûrîye ra nêvejîyayîne, do tabloyêk senîn Rojhelatê Mîyanên de bibayîne?

 

Nêzdîyê 50 welatî tewrê komployî bîyê. Çîyo balkêş zî no welat pîya mîyanê pêrodayîşan de yê. Yanî no welatê ke pîya kenê yê. La wexto ke babete bena kurdî pîya kenê. Çira qerarê komployêk wina girewtî? Rolo esas çi bi? Nêzdîbîyayîşê modernîtê kapîtalîstî yê hemverê kurdan o. Waştî bi komplo û nêçareserî nê çareser bikerê. Averşîyayîşê ewro Vakur û Rojhelatê Sûrîye û Rojawanî yenê ciwîyayîş, amancê komployê 9ê teşrîna verêne mojneno ma. Averşîyayîşê Başûr û Ewropa zî balkêş ê û no  komplo hema yeno rayîr ra berdiş. Adirbestê ewilî ra heta ewro pêro hewldayîşê aştî hetê dewleta tirke ra bênetîce ameyî verdayîş. Cewab nêdayî adirbestan, konseptê şerî dewam kerdî û çareserî nêviraştî. Sebebê nê zî waştişê rayîr ra berdişê şerî bi. 

 

*Goreyê şima hêzê mîyanneteweyî yê nê komployî de ca girewtî, ewro pozisyonê înan de vurnayîşêk esto yan nê?

 

Bi komployî waştî şer bikerê, yew metodêk. Amanc no bi. Bi komployê 9ê teşrîna verêne Abdullah Ocalanî ardî Tirkîya û dimayê nê çî ameyî ciwîyayîş. Vatî xêrcê şer rayîr û metodêk bîn çin o. La çîyo ke hêvî kerdêne pê nêame. Ma ewro bi eşkera eşkenê vajê ke komplo bi ser nêkewt. Seba komplo veng ame vetiş, ewro hema yeno dewam kerdiş.

 

*98ine de Ocalan Sûrîye ra ame vetiş, 2012ine de DAIŞ Rojhelatê Mîyanên û Sûrîye bica kerdî. Wazenê herêmêke senîn awan bikerê?

 

Rojhelatê Mîyanên di xetî estê. Yew xeta azadîya şarî ya bînî zî xeta serdestîyê xo seperneno îqtîdarî. Nê her di xetî her tim pêrodayîş û şer de yê. DAIŞ dewamîyê xeta dîyîn bi. Hemverê na xeta yewin zî xeta azadîye ya û hemverê nê têkoşînêk pîl da, xo ver da û serkewte bîye. Dinya wina bi û do ameyox de zî wina bo. DAIŞî vînî kerd û her tim zî do vînî bikero.

 

*Kurdî waştişê aştîye de israr kenê. Birêz Ocalanî seba aştîye hewl dano. 2015ine heta nika binê tecrîdê giran de yo. Şima na babete de çi vanê?

 

Girawa Îmrali yew merkezê şerî yê Rojhelatê Mîyanên o. Seba ke tîya îradeyêk pîlî yê çareserî ke tesîr serê xeylêk welatan keno esto. Waştişê aştî esto. Birêz Ocalan vano, ‘ez problem hewteyêk de çareser kena’. La hema zî tecrîdê serê ma dewam keno. Ma nê realîte baş zanê, her ke ê Îmraliyî bêveng bikerê, her ke şer giran bikerê do kaos zî zêde bibo. 

 

 *Şima helwestê CPTyî, bêvengîya Konseyê Ewropa û hêzê mîyanneteweyî yê hemverê nê senîn ercnenê?

 

Ez sey huqûqnas û sey parlamenterêk helwestê CPTyî fam nêkena. La no tablo terefgirê xo mojneno. Beno terefgirê sûcî û no zî bi eşkera keno. No nêeşkeno bêro qebûlkerdiş û çîyêk bi xof o. Kar û barê nê sazgehan no yo. Ganî CPT lezabez muracatan bi hawayêk objektif biercno û goreyê huqûqî têbigêro. Ganî CPT hemverê îşkenceyê Îmraliyî de helwestêk zelalêr bimojno.