AMED - Amed de derheqê Komployê 9ê Teşrîna Verêne yê hemverê Rayberê PKKyî Abdullah Ocalanî de eşkerayîye ameye dayîş. Eşkerayîye de wina ame vatiş: “Heta tecrîdo ke hemverê Birêz Ocalanî de yeno kerdiş nêşikiyo do her wext verê ma hemverê Îmraliyî de bibo. Bi nê amancî ma vengdayîşê pêro welatijnê xo yê ke her bajar, dewe û qeza kenê ke 9ê Teşrîna Verêne de Amed de kom bibê.”

 

Bi wesîleya serrgêra Komployê 9ê Teşrîna Verêne yê 1998î Amed de eşkerayîyêke ameye dayene û startê çalakîyanê serê Komployê Mîyanneteweyî ame dayene. Eşkerayîya bînaya MED TUHAD FEDî de ameye kerdene. Hemserekê KCDyî Berdan Ozturk, Hemsereka Pêroyî ya DBPyî Salîha Aydenîz û wekîlanê Partîya Çep a Keske reyde xeylêk kesî tewrê eşkerayîye bîyî. Eşkerayîye de ame vatiş: “Reyna sere de şarê kurdî rê pêro rayaumûmî yê demokratîke rê neql kenê ke heta azadîya Birêz Ocalanî pê bêro, ma do têkoşînê xo bêmabên dewam bikerê.”

 

Dewamê eşkerayîye de wina ame vatiş: 

 

“Tecrîdê Îmraliyî dûştê pêro qanûnan û peymanan o. Sebebê pêro meseleyanê welatî û nê krîzê ekonomî tecrîd de israrkerdiş o. Şexsê Birêz Ocalanî de şarê Rojhelatê Mîyanênî yenê tecrîdkerdene. 

 

Heta ke Birêz Ocalan azad nêbo û şarê kurdî nêbo wayîrê statuyî qet yew meseleya Tirkîya çareser nêbena. Coka ganî ma vera tecrîdî bi xurtî têkoşîn bikerê. Çareserîya meseleya kurdan de adresê muzakereyan Birêz Ocalan o. Coka ma kenê ke o azad bibo. 

 

Hînî wextê ci ameyo ke ma vera nê tecrîdê giranî têbigêrê. Heta ke tecrîd bişikîyo ma do nêvinderê. Ma venga pêro komele, sendîka, rêxistinan, partîyan, hemwelatîyan, cinîyan, ciwanan û hêzanê mîyanneteweyîyan danê ke bêrê ma pîya tecrîdî bişiknê û ameyoxê xo awan bikerê. 

 

Birêz Ocalanî vera îqtîdaranê şerî hêvîya azadîye ya şaran o. Heta ke tecrîd bişikîyo çimê ma do serê Îmraliyî de bibê. Ma venga pêro kurdan, dostan û kesanê hîsgeran danê ke 9ê teşrîna verêne de Amed de bêrê pêser. Ma do nêverdê ke çew hêvîya ma ya cuye bidiznê. Azadîya Birêz Ocalanî azadîya ma pêroyînan a. Heta ke o azad bibo ma do têkoşînê xo rê bêmabên dewam bikerê.

 

Kongreya Komela Demokratîke (KCD), Partîya Herêmê Demokratîke (DBP), Tevgerê Cinîyanê Azadan (TJA), Federasyonê Komeleyê Huqûqî û Paştdayîşê Keyeyê Tepişteyan û Hikumwerdoxan (MED-TUHAD FED)."