MÊRDÎN - Cenazeya Leyla Gulcu (Dicle Eylem) ya YJA STARî ke bombavaranê Bagokî de dinyaya xo bedelnaye, cenazeya aye hetê keyeyê aye ra ameye teşhîskerdiş û bi 55 rojî yo nîna dayîş. Keye, rayaumûmî ra seba hîsgêrî vengdayîş kerd.

 

Koyê Bagokî yê Mêrdînî 4ê Tebaxe de bi bombavarankerdişî pêwa 3 embazê xo Leyla Gulcu (Dicle Eylem) ya YJA STARî dinyaya xo bedelnaye. Keye seba cenaze bigîro 17ê Tebaxe de muracatê Serdozgerîya Komare ya Mêrdînî kerd û nimûneyê DNAyî da. Pêwa ser ra çend hewteyî derbaz bî la netîceyê DNAyî nêame eşkerakerdiş. 

 

Serdayîşê diyîn de keye musa ke nimûneyê gonî newe ameyo şirawitiş

 

Keyeyî nê ser de 7ê êlule de reyna şi Mêrdîn û muracat kerd. Labelê wexto ke keye newe şi dozgerî de musa ke nimûneyê DNAyî newe şirawîyayo.

 

ATK: Hîn raporî nêameyê amadekerdiş

 

Waya Leylaye Gulistan Gulcu wina vat: "Ma tenê wazenê cenazeya xo bigîrê. Ma nê wareyî de paştdayîşê rayaumûmî wazenê. Ma her tim ATKyî gêrenê la vanê hema rapor nêameyo amadekerdiş."

 

Keyeyî venga paştdayîşî kerd

 

Keye bi 55 rojî yo xo ver dano ke cenazeya xo bigîro û venga paştdayîşê rayaumûmî keno.