MERKEZÊ XEBERAN - Dîrektorê Pêroyê yê DSOyî Tedros Adhanom Ghebreyesusî da zanayîş ke rewşa ke badê laserê Lîbyaye vejîya raşte krîtîk a û merdiman fîneno endîşe. 

 

10ê êlule de Rojhelatê Lîbyaye de laser weriştbî û lasero ke weriş ra dima rijnayîşêk gird vejîyabî raşte. Dîrektorê Pêroyê yê Rêxistinê Weşîye yê Dinya (DSO) Tedros Adhanom Ghebreyesusî derheqê babete de hesabê xo yê medyaya komelkî sero ra da zanayîş ke tesîrê rijnayîşî hema zî dewam keno.

 

‘Rewşa krîtîk dewam kena’ 

 

Tedrosî parekerdişê xo de vat: “Lîbya de rewşa krîtîk dewam kena. DSO seba ke hetê psîkososyalî zî tede her hetî ra hetkarî bikero bi selahîyetdaranê herême reyde xebetîyeno.” Tedrosî dîyar kerd ke seba ke nêweşîyê ke bi awe û xida ra virazîyenê nêvirazîyo, vernîya nêweşîyan bêro girewtiş, vilabîyayîşê nêweşîyan bêro astengkerdiş sîstemê îqazo rewe yê nêweşîye do xurt bikerê.” 

 

DSO eşkerayîya ke verê cû dabî de dîyar kerd ke welat de laser vera 4 hezarî ra zêde kes dinyaya xo bedilna, 8 hezar û 500 ra zêde kes zî hema vînîbîyaye yê.