MÊRDÎN - Qezaya Qoserî de vizêr şan de hêrişêk çekdarî pê ame. Netîceyê hêrişî de kesêk dinyaya xo bedelna û tutêk zî birîndar bi. 

 

Raşteyê Azadîye yê Taxa Yenî ya qezaya Qoserî ya Mêrdînî de vizêr şan de hemverê welatijê bi nameyê Necmettîn Atiz ke hetê kesêk yan zî hîn kesê ke nasnameyê înan nêdîyar ra hêrişêk çekdarî pê ame. Atizo ke hêriş de xeylêk gule ginayî bedenê ci ro, cayê hedîse de dinyaya xo bedelna. Guleyêk zî lingê tutêk ke cayê hedîse ra derbaz bîne, kewt. Tîmê weşîye serê vengê çeke sewqê cayê hedîse ameyî kerdiş, tuto birîndar wedarnayî nêweşxane. 

 

Cenazeya keso ke dinyaya xo bedelna zî seba otopsî wedarnayî morgê Nêweşxaneyê Dewlete yê Qoserî. 

 

Derheqê hedîse de cipersayîş ame destpêkerdiş.