WAN - 14ê Temmuze 2018ine de polîsan eşt serê keyeyê Şahînî yê Rêya Armûşî û îşkence 3 cinî û pêroyî de 7 kesan rê kerd. Keye û avûkatî muracatê  AYMyî kerdî û AYM zî derheqê îşkenceyî de qerarê “binpaykerdişî” da û waşt ke cipersayîş newe ra bêro destpêkerdiş.

 

Kuçeyê Eresî yê taxa Valî Mîthat Beyê qezaya Rêya Armûşê ya Wanî de 14ê temmuze 2018ine de polîsan eşt serê keyeyê Şahînan. Sereştiş de keye de 2 kesan dinyaya xo bedelnabî.

 

Sereştiş de Ayfer, Abdûlbakî, Ayhan, Abdûllah û Fetûllah Şahîn, Şehrîban Mamûk û Dîlan Gorur amebî destbendkerdiş û 4 rojan îşkence înan rê ame kerdiş. Keye, hemverê îşkence muracatê sûcî kerd. Labelê dozgerî derheqê muracatî de qerarê “bêtaqîbî” da.

 

Qerarê binpaykerdişî 

 

Wexto ke muracatê Dadgeha Cezaya Sûlhî ya Wanî bênetîce mend, avûkatan na rey zî muracatê Dadgeha Herêmî ya Erziromî kerd. Dimayê ke dadgeha herêmî muracat red kerd, avûkatê keyeyî na rey muracatê Dadgeha Destûra Bingehîn (AYM) kerd. AYM derheqê muracatî de qerarê “qedexeyê îşkenceyî ame binpaykerdişî” da û waşt ke cipersayîş newe ra bêro destpêkerdiş.