MERKEZÊ XEBERAN - Seranserê Rojawanî de Kurdistan-Bakur û Rojhelatê Sûrîye de çalakîyê yadkerdişê Jîna Emînî û ‘Serewedaritişê Jin Jiyan Azadî’ dest pêkerdî.

 

Bi serkîşîya cinîyan, bi seyan roniştoxê Rojawanê Kurdistan-Vakur û Rojhelatê Sûrîye verê xo dayî raşteyê çalakîyê yadkerdişê Jîna Emînî. Cinîya kurde Jîna Emînî 16ê êlule 2022ine de bi sebebê ke sereyê xo nêpişta, hetê "Polîsanê Exlaqî" yê dewleta Îranî ra amebî qetilkerdiş.

 

Dimayê qetilkerdişê Jîna Emînî, bi serkêşîya cinîyan seranserê Rojhelatê Kurdistanî û Îranî, bi sloganê "Jin, Jiyan, Azadî" serewedaritişê şarî dest pêkerdibî.

 

Bi munasebetê serrgêra yewin ê qetilkerdişê Jîna Emînî û serewedaritişê tevger û rêxistinê cinîyan ê Rojawanê Kurdistan-Vakur û Rojhelatê Sûrîye çalakiyan organîze kenê.