Dîlan Babat

 

WAN - Derheqê vilabîyayîlê vîrusê Koronayî de hemsereka Şubeyê SESî ya Wanî Fîgen Çolakogluye dîyar kerd ke kesê ke testê înan pozîtîf vejîyeno, erşawenê keye û no zî tehlukeyêko pîl o. 

 

Tirkîya de 1ê hezîrane de prosesê normalbîyayîşî ame destpêkerdene û qedexeyê ke 3 mengî amebi kerdene werte ra wedarnayî. Dimayê destpêkerdişê prosesê normalbîyayîşî, hûmara nêweşan bî zêde. Tewr zêde bajarê sey, Enqere, Amed, Riha, Mêrdîn, Dîlok û xeylê bajarî bînî hûmara nêweşan her ke şina zêde bena. Wan zî yew nê bajaran ra yo ke her roje hêmare zêde bena. Hemsereka Şubeyê Sendîkayê Kedkarê Xizmetê Komelî û Weşîye (SES) ya Wanî Fîgen Çolakogluye derheê vilabîyayîşê nêweşî de qisey kerd.

 

‘Nêweşan erşawenê keye’

 

Fîgene dîyar kerd ke nêweşê ke teşhîsê înan yenê dayene, eke rewşa înan giran nêbo, înan erşawenê keye û vat: ”Gelo metodê ci rast o. Goreyê ercnayîşê ma, sebebê zêdebîyayîşê hûmare na ra yo. Kesê ke testê înan pozîtîf vejîyeno erşawenê keye. Sey vîrus germbîyayîş de tesîrê xo vindî keno û mîyanê ciwanan de zêde nêweşî çin a, nêzdî bî. Labelê nimûneyê ke estê ramojna ke pitik zî û ciwanî zî bi vîrus kewenê. Nika do mektebî bêrê akerdene, veyvî û şîn do dewam bikerê. No çî se ra se beno sebebê nêweşî.”

 

‘Bawerîya komelî şikyaya’ 

 

Fîgene bale ant serê prosesî ke hetê selahîyetdaran ra yeno ratberdiş û wina vat: "Prosesê pandemî bi zelalî nêame rayberdene. Wexto ke merdim dayeyê fermî ewnîyeno, cîyayî zî vîneno. Sewbîna Wezaretê Weşîye de hûmara nêweşê ke beşê lezabez de estê û nêweşê ke nêeşkenê boya xo bigîrê û bi makîne ciwîyenê çin ê. No çî bi guman o. Bawerîya komelî şikyaya. Ma sere de vat ke prosesê pandemî de rêxistinê meslegî ca bigîrê. Eşkenê rayîr vernîya rêxistinê meslegî akerê û wareyê xebatî wina karê xo bikerî.”