STENBOL - Avûkatê Rayberê PKKyî Abdullah Ocalanî, semedo ke mûwekîllê xo dir pêvînayîş bikerê, muracatê Serdozgerîya Komara ya Bûrsayî kerdî.

 

Avûkatanê Rayberê PKKyî Abdullah Ocalanî ke Zîndanê Asayîşê Berzî yê Tîpê F yê Îmralî de tepişte yo, Nevroz Ûysal, Mazlûm Dînç, Cengîz Yureklî û Faîk Ozgur Erol, semedo ke siba bi mûwekîllê xo dir pêvînayîş bikerê, muracatê Serdozgerîya Komara ya Bûrsa kerdî.

 

Avûkatê Abdullah Ocalanî, Newroz Ûysal û Rezan Sarica, dimayê 8 serran mabêna 2ê gulane û 7ê tebaxa 2019 de 5 rey pêvînayîş kerdibî. 7ê tebaxa 2019 ra zî ne bi pozîtîf ne zî negatîf avûkatan rê cewab nîno dayene.