Gulîstan Azak

 

STENBOL - Cinîyan reaksîyon hemverê krîzê ekonomîye û dîyar kerdî ke îqtîdar nê ra berpirsîyar o û vatî: "Meaşê kesêk/e qîmê fatureyan nêkeno û vat: "Sîstemê welatî vuryayo, her çî vay bîyo."

 

Tirkîya de pîyasayê zerî tu wext hende nêkewtibi, sewbîna vîrusê korona nêkeweno binê kontrol û polîtîkayê şer yê ke yenê kerdene, tesîrêko pîl serê pîyasa keno. Serekomarê AKPyî Tayyîp Erdogan rojê vîyarte de îfade kerd ke krîz, polîtîkayê şerî ra yeno meydan. Nê proseso ke feqîrî Tirkîya vejîyaya sewîyaya tewr cor, îzahatê Erdoganî ya sey, ‘Tirkîya berz bena' rayîr verê reaksîyonê raya pêroyî akerd.

 

Serra vîyarte de wexto ke gramê zerdî 260 TL bi, nika bîyo 487 TL, çeyrek zî bi 850. No pîsa de tesîr serê motorînî zî kerd. Seba lîtreyê motorînî 16 kuruş zam bi. Ma Stenbol de Sûka Padaye û Meydanê Emînonu de şîroveyê şarî na babete de girewt.

 

'Berpirsîyar îqtîdar o'

 

Nur Sayine bale ante serê krîzê ekonomî û vat: "Ekonomîya welat qedîyaya. Do netîceyê hîna giran bêrê. Berpirîyarê ney îqtîdar o. Zerd vay beno. Do hîna zaf bibo. Sebebê ci zî werte de yo. Welatî berardiş ra dûr fistî. Ekonomî her ke şino xira beno. Betalî zêde beno."

 

Elîf Karakoyune zî dîyar kerd ke vatişê, 'ekonomî berz bena' rastî nêmojneno ra û semedê persê ma yê 'Planê şima yê girewtişê zerdî estbi gelo?' vat: "Pere çin o ke bibo zerd. Werrekna pere bibayîne ke ma zî bikerdêne zerd."

 

Sema Gulere zî reaksîyon ramojna û vat, meaşê kesêk qîmê fatureyan nêkeno û vat, sîstemê welatî vuryayo, heme çî bîyo vay. Sema wina vat: "Dolarê mi çin o, zerdê mi çin ê. Ez teqawit a. Ez aşmî ra hezar û 500 gêna. Coka ez zêde nêzana. La wina aseno ke do hîna zêde vay bibo."