WAN - Sekretera Cinîyan a SESî ya Wanî Seda Gulerî da zanayîş ke Tirkîya lez kewta prosesê normalbîyayîşî û vat, pêlo diyîn mimkun o û ganî tedbîr bêrê girewtene.

 

Semedê vîrusê koronayî hûmara kesê ke cuya xo vindî kenê zêde benê. Tirkîya de zî 1ê hezîrane de prosesê normalbîyayîşî ame destpêkerdene û xeylê bajaran de hûmare her ke şina zêde bena. Nê bajaran ra yew zî Wan o. Sekretera Cinîyan a SESî ya Wanî Seda Gulere endîşeyê xo derheqê pêlo diyîn de ard ziwan.

 

Seda derheqê babete wina dîyar kerd: “Hûmara nêweşan 100 bî la do vejîyo bi hezaran. Ma babeta ke sîstemê weşîye qîm bikero de endîşeyîn ê. Wan de hûmara nêweşan zêde bena. Nêweşxaneyê Stenbolî sey nêweşxaneyê pandemî faliyet de yo. Pêro nêweşan sewqê uca kenê. Uca de hîrê serwîsê beşa giran estê. 35 Odayî heme pirr ê. Nêweşxaneyê Cigêrayîş û Perwerde yê Wanî seba ke hûmare di kat zêde bî, reyna agêrayî serwîsê pandemî. Aseno do polîklînîk şêrê sînorkerdene.”

 

‘Ma babeta hûmara personelan de bi endîşeyîn ê’

 

Seda, dîyar kerd ke pêlo diyîn yeno pawitene ganî hem kesî, hem hukmat goreyê demê verê tewr zêde tedbîran bigîrê û vat, hûmara xebatkarê weşîye de zî endîşeyê înan zaf zêde yê û wina vat: “Ganî qedexeyê tebervejîyayîşê teberî de, sînorkerdişê nêweşxaneyan, padayîşê kafeyan bi hawayêko cidî bi ca bîyarê.”

 

Sebebê hûmara zêdebîyayîşê hûmarê demê peyîn zî bêtedbîrîyê şexsî bi ca yenê û vat ganî bi tu hawa tedbîrî dest ra nêrê veradayîş.