MÊRDÎN - Tutinê Xursî, bi kalîteyê xo yeno zanayene. Tutin Gelîye Xursî ya Qoserî de yeno ramitene û nika zî dest bi arêdayîşî kenê. Arêdayîş, heta kar û barê ci yê cinî kedêke pîl danê û sewbîna çimeyê înan pîl yê debare yo.

 

Gelîye Xursî ya Qoserî ya Mêrdînî bi serran o tutin yeno ramitene û emsar zî seba arêdayîşî amadekarî dest pêkerd. pêkir. Gelîye bi resayîşê yewbînan ê xeylê dewan awan bena, bi erdê xo yê tutinî bale ancena. Welatîyê ke gelîye de ciwîyenê, debara xo kenê. Cinîyê ke serê siba rew wirzenê, şinê serê erdê tutinî.

 

Hedo Aslana ke dîyar kerd ke serê sibayî 04.00 de bi keyeyê xo dir yena serê erdê tutinî û vat: “Ma pelê tutinî arêdanê. Dima ra ma pelan derbazê la kenê û dîrekan de daliqnenê. Dima ra ma binê tîje de vindarnanê ke zer bibê. Wexto ke wişk benê, dem bi dem ma tay şil kenê. Dimayê ke no qedêno, ma tutin kenê paket û dima ra makîne ra derbaz kenê.”

 

‘Ma serê sibayî yenê şan de şinê’ 

 

Hedo ard ziwan ke destpêkê karî heta peynî cinî kedêko pîl danê û vat: Her sewîyeya karî de cinî ca gênê. Ma serê sibayî yenê, şan de şinê. Destê ma seba pelê tutinî sîya benê. La ma êdî musayê. Ma domanîya xo ra nê karî kenê. Ma nêkerê debare nêbena.”

 

‘Eleqeyêko pîl vîneno’

 

Hedo bale ant serê tutinê Xursî û wina vat: “Tutinê tîya zaf bi kalîte yo. Coka her kes zano. Wexto ke ma arêdanê û pak kenê, ma ganî zaf baldar benê. Ma zaf kede danê la bazirganî ma zafêr qezenc kenê. Ma nîmeyê keda xo zî nêgînê. La ma her serre zî ramênenê.