STENBOL - Keyeyê Rayberê PKKyî Abdullah Ocalanî û hepsîyê bînî ê Îmralî seba ke şêrê Îmralî û pêvînayîş bikerê, muracatê Serdozgerîya Komara ya Bûrsayî kerdî.

 

Birayê Rayberê PKKyî Abdullah Ocalanî, Mehmet Ocalan, Birayê Omer Hayrî Konarî, Alî Konar, birayê Hamîlî Yildirimî, Polat Yildirim û way Veysî Aktaşî Melîhe Çetîne, seba Zîndanê Asayîşî ê Tîpê F yê Îmralî merdimanê xo bivînê, muracatê Serdozgerîya Komara ya Bûrsayî kerdî.

 

Omer Hayrî Konar û Veysî Aktaş, 15ê adara 2015 heta nika tena 5ê hezîrane, 12ê tebaxa 2019 û 2yê adara 2020 de eşkabî bi merdimanê xo dir pêvînayîş bikerê. Hamîlî Yildirimî zî dimayê ke erşawitî Îmralî 15ê temmuze 2015 ra heta nika tena 5ê hezîran û 12 tebaxa 2019 eşkabi bi keyeyê xo dir pêvînayîş bikero. Dimayo ke Grawa Îmralî de şewat vejîya, 2yê Adare de keye şi Îmralî. Seba ke o wext birayê Hamîlî Yildirimî nêweş bi nêeşkabi şêro Îmralî. 

 

Ocalanî zî dimayê 21 serran yewin rey 27ê nîsana 2020 de bi telefonê bi birayê xo dir Mehmet Ocalanî dir qisey kerd. Hepsîyê bînî yê Îmralî zî dimayê ke berdî Îmralî serra 2015î heta nika eynî wextî de bi keyeyê xo dir telefon de qisey kerd.