AMED - Çarçewaya dewaya derheqê Komeleya Cinîyan ya Rosayî de Avûkata Komeleya Cinîyan ya Rosayî Elîf Îpek Tîrençe vizêr îfade da Serdozgerîya Komare.

 

22yê Gulane de çarçewaya dewaya derheqê Komeleya Cinîyan ya Rosayî de endam, îdarekarî zî mîyan de 13 kesî ameybî tepiştene. Çarçewaya dewa de derheqê Komeleya Cinî ya Rosayî de Avûkata Komeleya Cinîyan ya Rosayî Elîf Îpek Tîrençe vizêr îfade da Serdozgerîya Komare. Elîfe seba pere û seba endamîya Komeleya Cinîyan a Rosa ameye sûcdarkerdene.

 

Elîfe dîyar kerd ke bi 3 serrî yo aye nêşîya zîndan û coka mimkun nîyo ke pere mi da yo û ard ziwan ke aye îdarekarêke çalak a Komeleya Cinîya ya Rosayî ya. Sewbîna Elîfe vat, aye do beyanê şahidê nimte zî qebûl nêkena.

 

Wextê îfadeyî de avûkatê Elîfe, Gazal Bayram Kolumane, Asya Cemre Işike û Asli Pasinlîye pawitiş kerd. Avûkatan dayî zanayîş ke muwekîla înan seba pawitişê heqê cinîyan û derheqê hêrişê serê cinîyan de roportaj daya ajansê xeberan. Avûkatan dîyar kerd ke derheqê pereyan de tu delîl çin o û waştî Elîfe bêra veradayene.

 

Dimayê îfadeyî Elîfe serbest ameye veradayene.