DÊRSIM - Cinîyê kedkarê keyeyî ke bi pirodayîşê erbanî cuya înan vurya, dîyar kerdî ke bi erbane cuya înan xeylê vuryaya.

 

Muzîk ke merdim xo ci de vîneno û ruhê merdimî keno bi hizûr, beşêko hunerî yê cuya her kesî de ca gênê yo. Xeylê kesî şinê kursê enstruman yan zî vokal û bi taybetî zî seba cinîyan benê wareyê komelî. Akademîya Munzurî ya Dêrsimî de xeylê cinî şinê dersê erbanî. Kedkarê keyeyî Rojda bigîre heta Ruzîye ke heta nika erbane nêdîbi, her hat ra wendekarî şinê kurs.

 

‘Xeylê çî cuya mi de vuryayî’

 

Rojda Katirca ke kedkara keyeyî ya wina vat: “Mi eşnawit ke kurs esto. Mi qeydê xo viraşt. Serrêke mi derse girewt. Mi pandemî de zî fek dersanê xo ra vera nêda û bi hawayêko onlîne beşdarê dersan bî. Ameyox de wazena cayê cîya dw erbane dana piro. Ez wazena xo aver berî. Nimûne keyeyê mi şandê ma bi saz û kilaman derbaz beno. Yew saz dano piro yew zî erbane. No ma kêfweş keno. Erbane heme stresê mi beno.”

 

‘Konserêk de bale mi ant’

 

Ruzîye Kandîle zî Edîrneyî û kulturê kurd û erbane wextê peynî nas kerda û vat: “Konserêko Mîkaîl Aslanî de eleqeyê mi virazîya. Konser de her kes bi zazakî qisey kerdêne. Mi yew çekuye nêzanayîne. Serê nê de mi vat, ganî ez nê ziwanî bi musê. Mi Akademîya Mûnzûrî nas kerd. Ez beşdarê bernameyan bîya. Bi hawayêko baş kursê erbane bîya.”

 

‘Ez kêfweş bena’

 

 Zîlan Atmacaya ke Xarpêt de ciwîyena wina vat: “Mi eşnawit ke dersê erbane yeno dayene, ez kêfweş bîya. Mi waşt beşdar bibî. Mêrdeyê mi zî bi muzîkî dir eleqedar beno. Mi waştêne estrumanêko bidî piro û mi qerarê erbanî da. Mi baş zî kerd. Semedê Xarpêtî bernameyêko waş ame kerdene. Pandemî de dersê ma vindertî, la mi onlîne girewt. Wazena xo tewr baş aver berî. Ez zaf kêfweşa ke gelek erbane dana piro.”