MERKEZÊ XEBERAN - Paytextê Lubnanî Beyrût de teqayîşan de ke vîzêr nêmroj qewimîyayî 73 kesî merdî û 3.700 kesî zî birîndar bîyî. Welat de şîno neteweyî ame îlankerdene.

 

Paytextê Lubnanî Beyrût de vizêr nêmroj pêser di teqayîşî qewimîyayî. Selahîyetdaran pare kerd ke 73 kesî merdî û 3.700 kesî zî birîndar bîyî. Mudirê Pêroyî yê Asayîşê Lubnanî Abbas Îbrahîmî bi eşkerayîyêke vat, ma texmîn kenê ke teqaberê ke ma çend serrî verê cû dest nabi ser bîyî sebebê teqayîşan. La ma pabeyê netîceya tehqîqatî yê.

 

Mîşel Avnî serê hesabê Twittirî yê Serokkomarî de ard ziwan ke 2 hezar û 750 ton amonyum nitrat bê asayîş bi 6 serrî yo depo de yo. No nîno qebûlkerdene.