Fîlîz Zeyrek

 

EDENE - Edene de desteştişê di cinîyan ame kerdene. Yew înan ra M.Ç dîyar kerd ke dimayê desteştişî polîsan persa, ‘A saete de çi karê to uca bi’ pers kerdê û vera nê mesajê zî têkoşîn da: “Eke ma dest bidê yewbînan, ma mîyanê paştdayîşî de bê û têkoşînî dir azad bê, xurtir bê.”

 

Edene de 29 Temmuze de di wendekarê cinî yê unîversîta hetê kesêko bi motosîkletî ra rastê tacîzê cinsî ameybî. Cinîyê bi nameyê M.Ç û A.K seba gerrekerdişê şî qerekole û rastî vatişê sey, ‘A saete de çi karê şima uca de bi’ amebî. M.Ç ya rastê tacîzî amebî çîyê ke ameyê serê înan qal kerdî.

 

Hewl danê gerre peyser biancê

 

M. Ç vat, bi embaza xo A.K dir seba şêrê marketî vejîyayê teber û wextê agêrayîşê keyeyî de camêrdêko bi motor ê tacîz kerdê û vat: “Ma polîsan geyrayî. Polîsî ameyî cayê hedîse û vatî kafeya cayê hedîse vînena padayîya, kamerayê înan padayê û coka zî no nîno vînayene û vatî, şima do reyna gerre bikerê yan nê. Polîsêko ma ra vat, a saete de çi karê şima uca de bi. Ma vat, ‘ma seba çîkolata şîyê’ înan zî vat, şima vîskî zî girewt yan na. Taxa ma nişnenê ro, xeylê hedîseyê wina virazênê.”

 

‘Pêameyîşê Stenbolî girîng o’ 

 

M.Ç dîyar kerd ke hedîseyê desteştişî, tecawiz û şîdetê serê cinîyan roj bi roje zêde benê û vat: “Sebebê nê zî o yo ke Pêameyîşê Stenbolî bi ca nîno. Seba têkoşînê vera şîdetî Pêameyîşê Stenbolî xeylêk girîng o. Eke cinî pîya têkoşîn bikerê, do hîna xurt bibê. Eke ma dest bidê yewbînan, ma do paştdayîş de bê û bi têkoşîn hîna azad û hîna xurt bê.”