MÊRDÎN - Mudirê verî yê Kent A.Ş yê Şaredarîya Bajarê Gird ya Mêrdinî Ercan Uysalere ke pêwa hêrişê cinsî ci rê amebi birnayene, pêwa nê 7 mengî bi nêamebi tepiştene, cigêrayîşê wezîfeyê xo xirab xebitnayo de ame tepiştene. Verfeka TJAyî ya Mêrdînî Eylem Amake derheqê Ercan Uysalerî de qisey kerd û vat, dewlete ewnîyayîşê xo yê derheqê cinîyan de reyna ramojna.

 

Şaredarîya bajarê Girdî ya Mêrdînî ku qeyûm tayînê ci bi, 28ê teşrîna peyêne de operasyonêko xeylê sucan ra ame kerdene û 8 kesî ameyî destbendkerdene û înan ra yew zî mudirê verê yê Kent A.Şî ke qeyûmî verê ardib wezîfe, polîs Ercan Uysaler bi. Vizêr vejîya meydan ke o zî ameyo tepiştene. Derheqê Ercanî de verê zî bi sûcdarîyê ke fuhuş, karkera cinîyan şaredarî rê ferz kerd dewa amebi akerdene û dewa 11 serrî û 3 mengî ceza ci rê amebi birnayene, la 7 mengî dima sûcêko bîn ra ame destbendkerdene.

 

7 mengî bi nêameyîne tepiştene la tehqîqatêko bîn ra ame tepiştene

 

Eyleme dîyar kerd ke pêwa ke vengdayîş kerdê, sûcêko bîn ra ameyo tepiştene û vat: “Serê gerrekerdişê ma de Ercan Uysalerî ceza girewt la bi mengan nêame tepiştene. 7 mengî bi xo rê geyrayîne. Nika zî wezîfeyê xo xirab xebitnayîş ra ame tepiştene. Pêwa ke qerarê ey tepiştene estbi, no kes keyeyê xo de ame dedtbendkerdene.”

 

‘Dewlete vernîya îstîsmarî akena’

 

Eyleme dîyar kerd ke dewlete ewnîyayîşê xo hemverê cinîyan ramojna û wina vat: “No ramojneno ke sîstem vano, ma ancax biwazê eşkenê tepişnê. Wextê hêrişê cinsî beno xemê kesî de nîyo. Pêwa nê sûcî ceza girewt nêame tepiştene. Nika eke no sûcdarî çinbibayîne nêameyîne tepiştene. Çi heyf, no rehetîyê dewlete şîdetê serê cinîyan zêde keno.”