MÊRDÎN - Mêrdîn de domana ke şî nêweşxane vejîya werte ke hetê xalê xo yê M.T ra rastê hêrişê cinsî ameya. Gumanbarê hêrişê cinsî tena rojêke destbend kerde mend û dima ra serbest ame veradayene. Derheqê gumanbarî de îdianame ame amadekerdene û heta 15 serrî ceza ameye waştene.

 

Mêrdîn de vejîya werte ke camêrdo bi nameyê M.T hemverê domana waya xo hêrişê cinsî kerdo. Dimayê ke îstîsmar vejîya meydan, gumanbar ame destbendkerdene û dimayê tepiştişê rojêke ame veradeyene. Serdozgerîya Komara ya Qoserî derheqê îstîsmar de tehqîqat dabi destpêkerdene temam kerd. Îdianameyo ke ame amadekerdene hetê Dadgeha Cezaya Asliyeya Qoserî ra ameye qebûlkerdene. Îdianame derheqê gumanbar de heta 15 serran ceza ame waştene.

 

Gumanbar ame veradayene

 

Domane Temmuza 2019 de şina psîkolog û pêvînayîş de îstîsmar zî vejêno werte û dimayê gumanbar 26ê Temmuze de ame destbendkerdene. La gumanbar rojêke tena destbendkerde mend û ame veradayene. Serdozgerîya Komara ya Qoserî derheqê îstîsmarî de tehqîqat da destpêkerdene. Bi temambîyayîşê tehqîqatî îdianame ame amadekerdene û hetê Dadgeha Cezaya Asliyeya ya Qoserî ra ame qebûlkerdene.

 

Ceza ame waştene

 

îdianameyo ke dadgehe qebûl kerd de ame dîyarkerdene ke wextê tehqîqatî yeno cigêrayîşkerdene ke domane bi psîkologê beşê Psîkiyatrî yê Domanan ê Nêweşxaneyê Dewlete ya Qoserî dir vejîyayo werte ke hetê xalê xo ra bi hêrişê cinsî dir rî bi rî menda; îdia, îfadeyê mexdûre, îfadeyê şahidan, raporê Midûriyetê Tipê Edlî yê Mêrdînî verê çiman de ameyo girewtene û derheqê gumanbarî de sûcê cîya qerarê cezakerdişî ameyo dayene. Roniştişê yewin zî menga kanûne de yo.