MÊRDÎN - Cinîyê Mêrdînijî dest bi arêdayîşê ecûr û petixan kerdî û eynî wextî de bazaran de zî serê tezgahan de berardişê xo roşenê.

 

Mêrdîn de ecûrê ke xeylê namdar ê nika dest bi arêdayîşê înan ameyo kerdene. Cinîyan Deşta Mêrdînî ya girêdayê Artukluyî de bostanan de dest bi arêdayîşê petîx û ecûran kerdî û sewbîna serê tezgahê ke kuçeyan de awan kerdê, berardişanê xo roşenê.

 

‘Her serre ma berardişêko cîya remnenê’

 

Melek Acaye ard ziwan ke Mêrdîn de hamnanî fêkiyê tewr zaf yenê werdene petîx û ecûr ê û vat: “Ma her serre berardişê cîya erdê xo de remnenê. Emsar ma petix û zebeşan remna. Ma çend mengî xizmetî ci genê û nika zî ma arêdanê. Çîyê ke ma arêdanê, ma zî wanê. Ma derûdorê xo de vila kenê, roşenê û pê debara xo kenê. Ecûrî fêkîyê na herême yê. Ma zaf ci ra hes kenê.”

 

‘Ma cinî her karê ci kenê’ 

 

Berîvan Acaye zî dîyar kerd ke kesê ke baxçeyê înan bibê nê fêkîyan ramnenê û wina vat: “Ma zî baxçeyê xo de petîx û ecûr ramnanê. Ramitişê ci, arêdayîşî ci ma kenê. Ma hamnanî xêrcê nê karî, karêko bîn nêkenê. Domanê ma zî nê karî mûsayê. Ê zî yenê ma dir arêdanê. Ma bi baxçe dir eleqedar benê.”