ENQERE - Kîmyager Cemîle Turkmene, Platformê Cinîyê Potikê Zerd awan kerd û bi dawetkerdişê semînerê tîyatro û perwerdeyîyê kitab dîyarî kerd û vat, amancê awankerdişê platformî fikrê ‘xêrcê xemgînî eşkena se bikerî’ yo.

 

Cemîle Turkmene 8ê Adara 2019 de serê çapemenîya komelî, ‘Platformê Cinîyê Potikê Zerdî’ awan kerd û dîyar kerd ke, cuya merdiman de cayê perwerdeyî zaf girîng o û serrêke de 12 hezar kitab, 2 hezarî zêdeyêr dawetê tîyatroyî û 300î zêdeyêr dawetê semînerê perwerdeyî resna cinîyan. Cemîle dîyar kerd ke bi şîarê, ‘her cinîya bi potikê zerdî, wayîrê heqê têduştî ya’ vejîyayê û vat, nuqtaya hempar pêro cinîyê wende, nêwende, xebitêna yan nêxebitêna, potikê zerdî yê.

 

‘Vera şîdetî çeko tewr pîl, cinîyê wayîrê hişmendî yê’

 

Cemîle dîyar kerd ke vera şîdetî bi hişmendbîyayîşî eşkenê vinderê û vat: Dinyaya global de xeylê şîdet û kiştiş yenê meydan. Xêrcê nê ganî ma xo perwerde bikerê û goreyê mi perwerde zaf girîng o. Goreyê mi xoperwerdekerdiş do vernîya xeylê çîyan bigîro. Wexto ke ma potikê xo yê zerd bidê hetêk û kitaban bigîrê xo dest, şêrê tîyatro no çekê ma yo tewr pîl bo. Vera şîdetî wayîrê hişmendbîyayîşî zaf girîng o.

 

‘Cinî nêwazenê tena pakitî bikerê’

 

Cemîle qiseykerdişê xo wina qedêna: “Her cinîya ke destê ci de potikê zerd esto, bêguman nêwazena tena pakitî bikera. Xeylê kesî beno ke îmkanê înan çin bo, bibo zî lîsteyê kitaban hewce pê vînena. Ganî seba înan îmkanî bi ameyîne dayene. Cinîyê bi paçên sipeyî zî bi nê amancî dest pêkerd. Piştdayîşê seba ma qetî nêqedîya. Embaz û keyeyê mi pers kenê vanê, ‘ti rincan nêbena’. Ez vana ney. Yê ke piştdayîş danê mi zî gamêk bîn nêzdîyê amancê xo benê. Projeyê ma do dewam bikerê.”