ÎZMÎR - Melodî Zengîne vera bendê TYT yê Beşê Muzîkê Tirkî yê Konservatuarî yê Unîversîteya Egeyî ke 150 vetî 200î serê medyaya komelî de bi etîketê “#EgeBarajı150yap” çalakî da destpêkerdene. Eyleme vengdayîşê paştdayîşî kerd û vat ganî îmtîhanê girewtişê vernî taloqê êlule bibo.

 

Endama Genç Umutî Melodî Zengîne ke beşê Muzîkî yê Tirkî ê Dewlete yê Konservaturê Unîversîteya Egeyî amade bîne, diyar kerd ke puanê bendî yê 150 bîyo la vetê 200î û vat no huqûq nîyo û ganî bendî bêrê fistene. Melodîye seba nê etîketî “#EgeBarajı150yap” serê medyaya komelî çalakî da destpêkerdene.

 

‘Keda ma yena îhlalkerdene’

 

Melodîye derheqê îmtîhanî de wina vat: ”Serrêke ma bîlasebeb şi. Ma serê twîtterî de platformêko bi nameyê Wendekarê ke kewenê Îmtîhanê Unîversîteya Egeyî awan kerd. Çalakîya hastagî zî no yo “#EgeBarajı150yap”. Ma bi saetan unîversîteya Egeyî û rektor Necdet Budakî etîket kerd.”

 

‘Caardişêko bêhuqûqî’

 

Melodîye tewr peyîn wina vat: “Beşê Konservaturê Unîversîteya Akdenîzî îmtîhan bi sebebê pandemî ameyî wedaritene. Omid kena ke unîversîteyê bînan de vila nêbo. No hêrişêko hemverê akademîya hunerî yo. No caardiş bêhuqûq o.”