ŞIRNEX - Dewa Dilopkî ya girêdayê qezaya Basayî, verê 9 rojan R.O. ya 17 serrî bi hawayêko bi guman bi giranî birîndar bîbî û rewşa aye hema zî giran o. Sewbîna goreyê zanayîşê ke doktoran dayê keyeyî, beno ke R.O. se ra 90 felç bimana.

 

Dewa Dilopkî ya girêdayê qezaya Basayî ya Şirnexî domana bi nameyê R.O. ya 17 serrî verê 9 rojan bi hawayêko bi guman giran birîndar bîbî. R.O. dimayê ke bi giranî birîndar bî, aye wedarinayî Nêweşxaneyê Dewlete ya Şirnexî. Dimayê mûdaxileyê ewil, seba rewşa aye giran bîbî aye sewqê Nêweşxaneyê Cigêrayîşî ya Harranî ya Rihayî kerdibî. R.O. ke 9 rojî beşê lezabeze de ya, ame zanayene ke rewşa aye hema zî giran a.

 

Goreyê zanayîşî dewijan ra ame girewtene, keyeyê R.O waşto ke do bi darê zorî bi berdêl bizewicnê û a zî vera nê waştişî vejîyaya û întîhar kerda. Goreyê zanayîşî ameyî girewtene R.O. eynî roje de embazê xo geyraya û dimayê hedîse ke ameya meydan, îfadeyê ey kesî zî wî Qereqola Cendirmeyan ameyo girewtene. Goreyê zanayîşî dewijan ra ame girewtene, embazê R.O. îfadeyê xo de nê çî vato: “R.O. mi ra vat, keyeyê mi bi zorê bizewicno. Tu nînê mi nêwazenê. Dimayê nê qiseykerdişê telefonî, hema akerdibî vengê çekî ame û veng ame birnayene.”

 

R.O. beno ke felç bimana 

 

Sewbîna zî ame dîyarkerdene ke xetereyê tendûristî R.O. hîn dewam keno. Sewbîna goreyê zanayîşê ke doktoran keyeyî dir pare kerdo, 2 gûle îsabetî ci kerdê. Yew kezeba aye parçe kerdo, yew zî sîneyê esteyê paşte aye kewto. Heto bîn ra doktoran vato ke R.O. beno ke se ra 90 felç zî bimana.