Şehrîban Aslan

 

AMED - Cinîya bi nameyê A. ya ke bi serran o rastê şîdetê mêrdî ameye, fek têkoşîn rê vera nêda û vat, şina qerekolan la kes goşdarî nêkeno û vat, ‘gelo bendeyê qetilkerdişê min ê?’

 

Cinîya bi nameyê A. ke seba asayîşî nameyê xo nêda, yew cinîya ke rastê şîdetî yena û muracatê qerekole de netîceyêk nêgîna ya. Bi desan rey muracat kerda la netîceyêk nêgirewta. A. vat polîsî her wext vanê, ‘Tu çira ameya?’, ‘Şo qerekolêke bîn.’

 

‘Vera yê ke şîdet kenê ma ceza ancenê’

 

A. dîyar kerd ke mêrdeyo ke ci dir zewicyaya ci rê şîdet kerdo û vat: “Tîryakî xebitnayîne. Têkilîyê ey bi cinîyanê bînan dir zî estbî. Pêwa ke mi nê çî zanayene zî, mi vengê xo nêkerd. Psîkolojîyê mi xira bi. Ez nêeşkena şorî keyeyê pîyê xo zî. Ez her wext bi ters cuyaya. Mêrdeyê mi bi mi şîdet kerd, mi ey gerre kerd la 3 hezar TL ceza dayî ci. Vera ke ey ceza biancê ma ancenê.”

 

‘Şo qerekolêke bîn’

 

A. dîyar kerd ke sibate de reyna rastê şîdetî ameya, şîya qerekole û vat: “Mengêke cezaya dûrfistişî dayî. Dimayê na hedîse, ez rastê şîdetê birayê xo zî ameya. Mi û cinîya ey da pêro. Birayê mi pê hesîya û ame ez bi kardî birîndar kerda. Ewil mi vengê xo nêkerd û dima ra ez şîya mi gerre kerd. La polîsan vat, ‘şo qerekolêke bîn.’ Mêrdeyê mi pere tefecîyan ra girewtib. Tefecî ameyî verê berê mi. Mi veng da polîsan. Mengêke dima tefecî ame verê berî û bi sebebê mi dayo cinîya ey ro, gerre kerd. Seba ke avûkatê mi çinbî, mi nêeşkayîne pawitişê xo bikerdêne. Dadgehe 3 hezar TL cezaya pere da mi.”

 

‘Dizdan telefonê mi dizna la polîs eleqedar nêbî’

 

A. dîyar kerd ke çîyê ke cîyaya nê dir bi sînor nîyê û vat: “Dizdan telefonê mi dizna. Ez şîya qerekole. Eleqedar nêbî. Ez yew bi yew dukananê telefonan de geyraya. Mi polîsî ra vat ke mi dîyo. Polîsan vat, dukan rê gerre bikere. Mi zî vat, ez gerre nêkena, oyo ke diznayo berdo dukan. Polîsî vat, tu birayê xo gerre kena la çîyêk wina nêkena. Mi zî vat, birayê mi şîdet mi rê kerdo coka ez gerre kena.”