ÊLIH - Cinîya bi nameyê Î.E. ya hetê çawîşo pispor M.O. ra tecawizê ci ame kerdene û dermankerdişê aye nêweşxane de dewam keno û bi xetereyê sera 80 felçmendişî dir rî bi rî ya.

 

Qezaya Qubînî ya Êlihî cinîya 18 serrî ya bi nameyê Î.E. 16ê Temmuze de bi hawayo bi guman birîndar bîbî û wedarnabî nêweşxane. Dimayê Î.E. wedarnayî nêweşxane, vejîyabi ke Î.E. hetê çawîşo pisporî M.O. ra bi tecawizî dir rî bi rî ameya.

 

Î.E. ya ke nêweşxane de dermankerdişê ci dewam kena, ame dîyarkerdene ke xetereyê aye sera 80 felç bimano esta. Goreyê zanayîşê ke doktoran ra ame girewtene, ame eşkerakerdene ke organê Î.E. yê mîyane perçe bîyê û gurçikê aye zî awe gênê. Sewbîna ame dîyarkerdene ke têkoşînê ciwîyayîşê jiyanê Î.E. dewam keno.

 

Gumanbar teber de yo!

 

Gumanbar çawîşo pispor M.O., dimayê ke ame destbendkerdene û îfadeya ey dozgerî de ameyî girewtene serbest ame veradayene. Pêwa vengdayîşê keyeyî û hewldayîşê cinîyan zî gumanbar nîno tepiştene û tebera serbest geyreno.