MÊRDÎN - Mehmet Demîre seba ke kar nêdî kewte grevê vêşanîye û mêrdeyê Gulîstan Demîre zî bi mengan o kar nêvîneno. Gulîstane dîuar kerd ke semedo ke nêeşkenê kîra bidê do ban ra vejîyê û vengdayîşê paştdayîşî kerd.

 

Mehmet Demîro ke Artuklu yê Mêrdînî de ciwîyeno, bi waştişê karî dest bi grevê vêşanîye kerd û roja 12ien de yo. Cinîya ey Gulîstan Demîre zî verê ey de Parkê Karayollari de çalakîya xo dewam kena, ca gêna û paştdayîş dana. Gulîstane dîyar kerd ke aye zî betal a û wina vat: “Ma hetê ekonomî û manewî de perîşan bî.”

 

‘5 mengî yo ma nêeşkenê kîra bidê’

 

Gulîstane dîyar kerd ke mêrdeyê aye kadroyê verê ra hukumwerde yo û vat, bi serrêke yo kat geyreno û wina dewam kerd: “5 mengî yo ma nêeşkenê kîra û fatureyan bidê. Mêrdeyê mi serrêke nîm o zîndan ra vejîyayo. Şi kam sazgeh kar nêdayî. Waştişname da heme sazgehan la kes anêgeyra. Sektorê taybet de zî kar nêdî.  Ez zî kar geyrena la nêvînena.”

 

Gulîstane dîyar kerd ke bi taybet prosesê pandemîye de zehmetî antê û wayîrê keyeyî zî seba ê vejîyê gerre kerdo.

 

‘Psîkolojîyê domanan xira bi’

 

Gulîstane tewr peyîn qiseykerdişê xo de bale ante serê psîkolojîyê domananê xo û vat: “Ma keye ra vejîyê do se bibo? Kes wayîrê ma nêvejîyeno. Mêrdeyê mi grev de yo. Ez veng dana pêro sazgehan. Ma heqê xo ra feyde nêgînê. Ez cinîyêke ya, ez zî kar nêvînena. Gelo do kam biewnîyo domananê mi ra. Ma nêeşkenê domanan rê çîyêk bigîrê. Ma hetê ekonomî û manewî de perîşan bî.”