AGIRÎ - Giyadîno Şaristano Antîk Meya 3 hezar serrî yo serê lingan de yo û sey xeylêk cayê turîstîk o zî semedê vîrusê korona nê rojan bêveng o. Şaristano Antîk bendeyê ziyaretwananê xo yo.

 

Qezaya Giyadînî ya Agirî, dewa Meya ya 12 kîlometreyî qeza ra dûrî ya, Şaristano Antîk Meya esto û Verîya Zayîşî (M.O) seserra 8ine heta nika bîyayîşê xo paweno. Şaristano Antîk Meya sey stargeh û îbadetxane ameyo xebitnayene û mîyanê kerran de bi kendişî cayo nerm, awanîyê tîpê şikeftan estê.

 

Meya ke heta ewro ameya, bi dîmenê xo yê Heskîfê ana vîrê merdiman. Şaristano antîk 15 şikeftan ra yeno meydan û yew cayê ke şarê mintiqa zaf şonê serdanê ci yo.

 

Şikefta Meya zî yena binamekerdene û nê germî de bi honikîya xo bale ancena. Şikefte, zimistanî zî wayîrê taybetîyêka xo serd ra pawena ya. Zereyê şaristano antîk de hacetê cîya, tenûre, cayê starbîyayîşî, oda û îbadetxane estê. Mîyanê şikeftan zî xeylêk hîra yê.

Emsar semedê Vîrusê Koronayî şikefte mîyanê bêvengî de ya. Şaristano Antîk bendeyê zîyaretwananê xo yo.