Medya Uren

 

ÊLIH - Sakîne Yilmaza ke semedê debara xo bikera nanê tewqe viraznena û dîyar kerd ke her cinîyêke vera şer û mercê ciwîyayîşî ke înan rê ameyo ferzkerdene têkoşîn kena û vat: “Heta camêrdî karêko kenê, ma se karî kenê û bê vindertiş xebityenê. Coka keda me û bedenê ma hetê komelê camêrdan ra yenê pelçiqnayene.”

 

Tirkîya de her ke şono wareyê ekonomîye yê cinîyan yeno tengkerdene. Bi taybetî zî no tesîrê serê cinîyê ke bê temînatî xebityenê keno û prosesê krîzê ekonomîye û krîzê weşîye de problemê pîl ciwîyayî. Sakîne Yilmaza ke serê kuçeyê çar rayîrî yê merkezê Êlihî de ca gêno de kargehê qaydeyê nanê tewqe akerdo, bi serran o semedê debara xo bikera xebityena û hemverê krîzê ekonomî têkoşîn kena. Sakîne vana ke krîzê ekonomîye cinîyan ra ameyo tengkerdene zî kesê tewr zêde vera krîzê ekonomî kede danê cinî yê. Semedê ma têkoşînê Sakîne nêzdî ra taqîb bikerê ma aye dir têkilî da ro û ajansê ma rê qisey kerd.

 

‘Seba nê krîzî ma mecbûrê bixebityê’ 

 

Sakîne vana ke demêko derg o nê karî kena û wina qalê cuya xo ya rojane kena: “Ma cinî kedêka pîl danê. Coka êyê ke krîz ra tewr zêde cinî tesîr benê û vera nê tewr zêde cinî têkoşîn kenê. Verê ke ez dest bi nê karî bikerî rewşa ma ya ekonomî tehlûke de bî. Bi krîzê ekonomîye dir her ke şono no tehlûkeyêr bi. Bi 3 domanan dir keyeyê kîra de ma zahmetî antêne. Mi zî qerar da ke ez cayêko karî abikerî. Seba ke rewşa ma ya ekonomî dest nêdana, mi zî çîyê qij ra dest pêkerd. Çend teber ra asan biaseyo zî her karêk zehmetî yê ci esto. Bi taybetî zî no semedê cinîyan tewr zêde yo. Wexto ke camêrdî xebityenê, tena karêko kenê û şan de keye de nişnenê ro. La semedê ma cinîyan ne şewe esta ne zî bi roj.”

 

‘Ma serê sibayî de amadekarîya şan de kenê’ 

 

Sakîne qalê keda cinîyan kerd û wina vat: “Serê sibeyî rew wirzena, keye top kena, pak kema û dest bi amedekarîyê arayî kena. Ez domanan mird kena û pakitîya înan kena. Semedo ke ez verê arayî gerek cayê karî de bî. Wexto ke ez şina kar, domananê xo zî bena. Semedo ke emrê înan qij o ez nêeşkena keye de verdî. Tîya zî mabêne saetanê 08–02 de karê ma xeylêk o. Heta seetênê şewe ez pakitîya xo qedênena û ma şonê keye. Bê guman keye de zî karê mi nêqedêno. Rojêke mi wina derbaz bena. Camêrdî karêko kenê la ma xeylêk karan pîya kenê.”

 

‘Ganî cinî warê ekonomî de azad biba’

 

Sakîne dewam de wina vat: “Her çiqas cinî têkoşînêko pîl danê zî hemverê înan de astengî û sînorê pîl estê. Semedo ke cinî her wareyî ra yena dûrfînayîş û wazenê keye de bimanê. Cinî bê hêz yenê vînayene. Wexto ke krîzê ekonomî rî dano, tewr zêde cinî zirar vînenê. Nê dir keye de bi şîdetî dir rî bi rî yenê û yenê qetilkerdene. Eke mîyanê komelî de azadîya ekonomîya cinîyan bibo, do komel zî hende probleman nêciwîyo. Bi azadkerdişê cinîyan dir do komel zî hizûr bivîno. Seba nê ganî cinîyan rê wareyî bêrê hîrakerdiş. Tewr tay ganî destê xo dergê destkewtişê cinîyan nêkerê.”

 

‘Keda ma bedenê ma yeno pelçiqnayene’

 

Sakîne vat ke cinî wazenê pêwa heme zehmetîyan serê linganê xo de vinderê û wina vat: “Ganî semedê nê zî ma hêzê xo bikerê yew û wayîrê destkewtişanê xo vejîyê. Ma bi desan karî eynî wextî de kenê. Ma dayîk û karker ê. Ma kesê ke heqdestê vera keda xo nêgînê yê. Keda ma û bedenê ma yenê pelçiqnayene.”