AMED - Odaya Muhendisê Makîneyan çalakîya Nobeta Edalet û Azadî ke semedê endama xo Arîn Zumrute awanîya şubeyê oda dabî destpêkerdiş bi peynî kerdî.

 

Odaya Muhendîsê Makîneyan ya girêdayê TMMOByî çalakîya Nobeta Edalet û Azadî ke semedê endama xo Arîn Zumrute awanîya şubeyê odaya muhendîsan de 2 rojan dabî destpêkerdene bi eşkerayî peynî kerdî. 

 

Arîn Zumrute operasyonê vera KCDyî de amebî destbendkerdene û dimayê 6 rojan 30ê Hezîrane de amebî tepiştene. Şubeyê MMOyî yê Amedî semedo ke Arîn Zumrute serbest bêro veradayene 2 rojan nobete girewt û ewro nobeta xo peynî kerdî. Hetê şubeyê MMOyî ra eşkerayîyek ame dayene û ame dîyarkerdene ke înan seba 2 rojan Nobeta Azadî û Edaletî girewtê û waştê ke bale bi ancê serê tepiştişê endama xo. Eşkerayî de ame dîyarkerdene ke endama înan Arîn Zumrude nêheq ameya tepiştene û wina vat: “Şexsê Arin Zumrute de ma waşt ke pêro hepsîyê ke nêheq û bêhuqûq ameyê tepiştene serbest bêrê veradayene.”

 

Dima ra mesajê Arîne ame wendene. Arîne zî mesajê xo de semedê paştdayîş spas kerd.